بــايــنـــه فــعــايــلـــه ... !!

[مناحي الصميل]

السلام عليكم ورحمة الله وبركاته


لــ التواصل معكم

لعلها تشفع لي الغياب ,

الصاحب اللي غاب من حروة ( شهر ) = ما شفت .. لا رقمه ولا رسايله !!
ما مرّ يودّعني ولا فكّر يمر = لكنهِ قفّى والمدامع ... سايله
النوم خلّيته وخاويت السهر = وطويق كنّي في متوني شايله
كنّي غريقٍ تايهٍ وسط البحر = الموج قفّى به ورى ويمايله
والا كما مظلوم راحوا به غدر = الموت ( شلّه ) والعيون تخايله !!
يا صاحبي الحزن فيني أنتشر = بكلّ انواعه مع فصايله
الحزن ( باب ) .. ومن دخل به ما عبر ! = ما تنفعه دوله ولا قبايله .. ؟!
وان كانه بيرحل .. واذا ربّك ستر ! = ما يرحل الا باينه فعايله
عوّد ترى لك داخلي حبّ وقدر = والا الحكي واجد ولاني قايله
ما اقول غير اللي على بالي خَطر = الحبّ ورّاني ( نجوم القايله ) .. !
ولصاحبي منّي تحيّات وشكر = يالله عسى انه موحيٍ لدعاي له

وسوالم .