ودي أسـولـف(وأجــيـب العــيـد) بـالـعـانـي..!!!!!

[محمد المجول]

ودي أسولف وأجيب العيد بالعاني=أرثي لحالي وحال اللي تعزواني.
من مبلغن عني أعضاء الفلس منهو=أهل المزامير وأهل الليل ياداني.
أو مبلغن أي شخصن واهم إبشته=إمن الحكومه ترى هذا الأمر فاني.
لعبة شعارات وإنفوس البشر خلقه=فيها من الحزن ماتحكيه الأعياني.
إهمومنا باقيه وأوضاعكم زانت=والمال فايض وجل الشعب هلكاني.
لامن سلمنا من المخلاب جاك الناب=نسكت نعاني..نصيح!..إنقول!..وإنعاني.
مره تقول الحكومه حن ملاذ الشعب=والشعب يامر وأنا له طوع متفاني.
ويصرح المصدر المسئول متسكب=الوضع جيد وكل الشعب بطراني!!
الأخ نايم ثقيل مكثر العيشه!؟=ياضايع..الشعب مهمل وأنت مرضاني.
حنا شبعنا وهم ووعود كذابه=إعيوننا للسما والمزن ماباني.
قل المعاشات والإسكان والصحه=والمستوى التربوي والخافي أبكاني.
من بعد ماني كويتي رافعن راسي=صرت أتساوا مع جنجير الأفغاني!!
ياخيرنا للبعيد وشرنا فينا= الهم مثل الجبل والغير فرحاني.
الأمعه كل أمره سالك وعايش=والمقتدر سارق الديره وطفشاني!
أما رجال المواقف والوطن ضاعوا=مابين حب البلد والوضع الأنساني.
إلي متى لانرى لانسمع ونحكي=هذي بلدنا مهي لفلان وفلاني.
والله مدري أخاف أقول وأتكلم=ثم أتعزب هل التاميل هرباني!!
لكن مالي سوا صوتي وأهيجن به=وأرفع شعار التمرد..وأفضح أحزاني.
ماهي كتابة تملق أوزيادة صيت=هذا لسان الحقيقه ماهوب إلساني.
موروثنا إنهدم من زمرة الفساد=من نافخ الكير لين الحج برهاني.
ياشيب عيني وياوجدي على حالي=لاواحسافه على ذربين الأيماني.
صرتوا سوات (الكيا)تجميعها كوري=وإلا قبل حيّكم تصنيع ياباني!
حالت ترهل مابين الماضي الحاضر=يزهابها كل خاين في ثرى أوطاني.
عشنا وشفنا رجالن تنبذ الفتنه=واليوم مدري من اللي ينبذ الثاني!!
لكن عزانا في حاكمنا وأسرتنا=أميرنا عزنا في كل ميداني.
آل الصباح الكرام إمعربين الجد=أهل الولا والفخر للعز عنواني.
هذا ولائي ولاأرضى بتبديله=بأمر الصباحي أبيع الروح متغاني.
يمكن كلامي يضايق بعض خلاني=ويمكن كلامي يفرّح قلب عدواني.
ويمكن أضايق حكومتنا ومجلسنا=ويمكن يصفق لي القاصي مع الداني.
بس الأكيد الصراحه فالزمن راحه=أنام مظلوم لاظالم...ولاجاني.
لوإسجنوني بكون إبقمة أفراحي=مدام حالي يوازي حال سجاني!!!