شلون ابرقد يافهد ,, بقلم المطيري

[% المطيري %]

السلام عليكم وحمه الله وبركاته,,


أعتذر عن غيابي واقدم لكم

هذه القصيده واتمنى ان تحوز على رضاكم وان تطرب لها مسامعكم




وشلون ابرقـد يافهـد وانـت تـدري

اني مانام الليل واسهـر ليـا الصبـح

أحـاول ارتـب هواجيـس شعـري

شوق وغزل والنصح والوجد والمـدح

الاااعب النجمه على امـواج بحـري

واغزي هجوس الشعر بالسيف والرمح

واطب سوق الشوق وابيـع واشـري

وابعد عـن الخسـران وادور الربـح

واسري على ذكرى حبيبـي وتسـري

دموع عين(ن)تقـدح دموعهـا قـدح

ويطري علي من المخاليـق يطـري

مخلوق خلا السكـر يـذوب فالملـح

نظرة عيونه تبـري الجـرح تبـري

والمشكله بانه هـو مسبـب الجـرح

ويضيق كل الكون واعـاف عمـري

ولاعاد اميز في خطا العلـم والصـح

وتدري وش اسوي ليا ضاق صـدري

اقرا الفلق والنـاس والحمـد والفتـح

واطلب من الي لا أأمر يسَـر امـري

الـي بشرعـه حلـل وحـرم الذبـح

[انه يعوضني بعـد طـول صبـري

ويجيب خلي راعي المبسـم السمـح

الوضحـه الـي ماشروهـا وبـدري

يشرونها قـوم المجاهيـم والوضـح

مرباعها فـي وسـط قلبـي وفكـري

ومغيضها فالعيـن تسـري وتسـرح

والموت ماهو بس في وسـط قبـري

المـو ت لامنـي لمحتـه كـذا لمـح

وتقول لي ترقد وانـا اقـول بـدري

النوم حاربنـي مـن الليـل للصبـح


وســلامه قلووبكم

أخوكم

المطيري