جمالك يا جميل اجمل جمالٍ مر بالاجيال = قهرت الجيل كله يا جميل اجمل جمال الجيل

[(هاوي قصيد)]

مسا الخير

بدون مقدمات , دره لـ شاعر المحاوره الكبير \ عبدالله بن شايق القحطاني

فراقٍ حل ماله حل حله مستحال ايحال = بحلت ابحالتي ياحيلت الله ياقوي الحيل

ليا طال الطويل وطالت المده وصبري طال = طلبت الله يالله الفرج عجلٍ بلا تاجيل

تهل الدمع عيني هل هملولٍ من الهمال = ليا هلت هماليله على الوادي وسال السيل

الا ياجول قلبي جول جولن جال ثم انجال = اجل وشلون يالمجمول جل مجملك تجميل

جمالك يا جميل اجمل جمالٍ مر بالاجيال = قهرت الجيل كله ياجميل اجمل جمال الجيل

تعال اهلا وسهلا يا هلالٍ هل عقب اهلال = هلا بك عد حب الهيل والتسبيح والتهليل

ابرحل رحلتينٍ مرحلتها تتعب الرحال = وابحل بمحل متحملٍ حلا بلا ترحيل

غريبٍ غربلتني غربتي ياغربة الغربال = غليلٍ غلني غروٍ غلاه الغل والتغليل

هدف مجهول اخاف اجهل جهالة جاهل الجهال = اجامل واتجاهل واجحد الجهال والتجهيل

وسلامتكم