انــا حــالـف ان اجــر صــوتي ولا احنـــه ,,, ؟

[(هاوي قصيد)]

مسا الخير

متواضعه ’ لتواصل ,,,

رقيت الرجم مانيب شفقٍ ولاني طرب = ابي كنة الاوجاع , في جرة الونه

توحابي النظرات , شرق وجنوب وغرب = وانا حالف ان اجر صوتي ولا احنه

علشان ترفٍ كن بيني وبينه حرب = يطول البعاد , وطاري القرب ما منه

خذا في خفوقي درب لو كان ماله درب = على ادناة ابو دمعه ليا دن له دنه

لو انه حصلي قرب , ماكنت عفت القرب = وهو نار في بعده , وفي قربه الجنه

محبه على وضح النقا مالحقها ضرب = شعورٍ تبادل بالغلا , عني وعنه

يهيم البنادم فالمحبه وطبعه ذرب = صحاح القلوب اللي لها النفس ممتنه

على الجرح وادعته , وابو كرب فيه الكرب = وهو قطعةٍ مني , وانا قطعةٍ منه

وسلامتكم