( الحكيَ و الصمـت / فـي بعض المواقف .. ما يفيـد !! )

[احمد بن جوفآن]

السلام عليكم ورحمة الله وبركاته

..

يمسيكم / يصبحكم ,, بالخيـر

..


قصيده متواضعه .. من شخص متواضع بأذن الله ,,
.. جديده ولا لها إلآ يوم .. ومن الخاطر ..

الحكيَ في بعض المواقف .. ما يفيد=دام السكوت احيان ياتي ,, بثـَمره
وشهوله احكي او اناقش او .. اعيد=مدام حكَيـي عند مثلك ,, ثرثـره !!
من خلقتي وانا لي الطبع .. الفريد=ماهو غرور إلآ ثـقه ,, او مقـدره
ماهو اكيد اني عرفتك بس .. اكيد=ان الزمن لابـد كل ٍ(ن) ,, يحـذره
انا ( الحليم ) إلي صبر .. صبر ٍ(ن) حميـد=وإليا نفذ صبـري لمثـلك ,, بعـذره
هـذا الخبيـَل إليـآ ربع من دون .. قيـد=(تقـيـّده) روس الرجال ,, و ( تهجـره)
مدآم مثلي ما عـرف خوة .. بليد=اكيـد مثلك لو اشوفـه ,, بحقـره
اتعب على الطيب وهو كل .. الرصيد=واشيل حمله لو زمانه ,, بعثره
لو إن عيني شافت إلي .. ما تريـد=ولو إن وقـتي وسط ظهـري ,, خنجره
ولو إن همـي لآ بدا ليلـي .. شديـد=ولو إن ليلـي كل يوم ٍ(ن) ,, اسهـره
طآل الزمـن والعمر ينقص ,, مايزيـد=وكل ٍ(ن) يبي بالعمر شي ٍ(ن) ,, يذكره
بعض العرب لآ رآح .. ماهو بالفقيـد=وبعض العرب لآ رآح ربعه ,, تخسره
وبعض العرب لآ شفت زوله من .. بعيد=(تستـكـبره) وإليـآ حـكـآ ,, ( تستـصغـره )
عـشـنا وشفنـآ والزمن هذا .. عنيـد=إليآ نـوآ ماضنـي احد ٍ(ن) ,, يقـدره
ولآ انآ مآلي سـوآ .. حرف القصيـد=وصـوت ٍ(ن) ليـآمن ضقـت ,, هـز الحنجـره
و( الصمـت ) في بعض المواقـف .. ما يفيد=و( الحكي ) في بعض المواقف ,, ثـرثـره

وسلآمتكم ..

أحمـد بن جـوفـآن