الـــــتـــــجـــــار الـــــمـــــتـــــســـــولـــــيـــــن..!

[V E T E R A N]

المتسولون ظاهرة ليست جديدة على الكويت موجودة والكل يشوفها ولها من يرعاها ويدير شؤنها ويوزع الشغل ..!

الكل يلاحظ هذي الظاهرة بالكويت بالأسواق والأماكن العامة والمساجد ووإلخ..

طبعاً المتسولين بالكويت من الجنسيات العربية والأجنبية ..منتشرين والكل له طريقة الخاصة للشغل..

على سيبل المثال سوق الفحيحيل..

كل مارحت للسوق وبالخصوص خياطين الرجال ..لازم تدخل عليك طرارة متسولة من الجنسيات العربية ..

الله يخليك الله يرحم والديك الله يطول عمرك الله والله والله من الدعاوي ...الي أول مرة أسمعها في حياتي ..تطلع وتدخل أخرى وأخير شي تدخل طفلة صغيرة وعلى هذي الحالة..

أطفال شبان شيوخ الكل يتسول..

والمباحث والشرطة يتفرجون ..!

مفروض بالكويت يستحدثون إدارة جديدة بالداخلية ( إدارة مكافحة التسول ) ..!

ومثال آخر قاعد بالدوانية ..

الباب طق طق طق ..

أنا أقلط تفضل..

ولى الضيف متسول مرة خليجي مرة بكستاني مرة مجنون..!!!!

ويقعد الضيف البايخ وبعد شرب فنجال وبيالة يبدأ باكلام ..

أنا أخوكم من مدري وين وعلي دم ودية بمبلغ خيالي وأطلب منكم المساعدة ...

أو البكستاني أنا بنتي مريض سرطان دم مافي فلوس يبي فلوس من نفر كويتي واجد فلوس ..

أو المجنون نعم إنسان مختل عقلين هذا أحسن واحد يدخل ويقعد وبعدين يقول عطني دينار بس دينار مو طماع ويتوكل على الله ...

بالمسجد بعد ما ينهي الإمام الصلاة ..

الإمام ..السلام عليكم ورحمة الله ....السلام عليكم ورحمة الله.....

ولى ناقز يمني من الصفوف الأولى ومعه ورقة خرابيط ويقعد يصيح ويبطلب المصلين وأنا مسكين وأنا علي دين وأنا علي دية وأنا أبني مريض ووووإلخ..

وين وزارة الأوقاف وين دور الإمام ..!!

مرة قاعد بالدوانية صباحاً ولى عند الباب عجوز وشايب..من جنسية خليجية..دخل الشايب الدوانية ودخلت العجوز للبيت..

طبعاً بعد شرب القهوة والشاي ...

المتسول مخلي حاله أعمى أو نصف أعمى ...

سألني ويش أسم أبوك..!؟

أنا أستغربت من سؤاله الغريب العجيب السخيف..

أسم أبوي فلان..

قام الرجل يكلم نفسه بصوت خفيف ويطالع مسباحه ..!

وخلال ثوان أبدع المتسول وقال قصيدة بأسم والدي ..!!

طبعاً أعطيته المقسوم وزعل قال هذا المبلغ قليل ..! طرار ويتشرط ..

أنا تماسكت أعصابي وقلتله الظاهر العجوز الي معك خلصت من داخل ..رحت داخل البيت ولى العجوز محملة طالعة فرحانة وماخذا المقسوم..ومحملة بالأكياس ..!

غيرها الكثير الكثير من قصص المتسولين أو التجار المتسولين..!

اليمنيين يدخلون البلاد بكروت الزيارة ويمارسون التسول وعلى ما أعتقد قبل أشهر أعلنت الداخلية منع هذي الزيارات لليمنيين .. شي جميل...

بصراحة هؤلاء ليسوا متسولين بل تجار..!

يدخلون البلد عن طريق كروت الزيارة أو عن طريق تجار الإقامات..ويمارس مهنة بكل حرية وأمان..!

ورمضان قرب وراح يزيدون في كل مكان ..

وكل عام والمتسولون بخير وأمان...!