.. ( لآ خــآآن ودك من تعـزهـ على الـروح .. !! .. معذور لو صديـت عن بـآقـي النـآس ) ..

[شوقـ الصحاريـ]

أقدم لكم

هذه النادره

رغم
قلة الابيات ..
الا
أنها غنية الفكره والمضمون

وهي قصائد
تغنى بها
الفنان المعتزل
عبدالله السالم
{ الله يثبته على الدين }
وهو
حالياً أمام مسجد بحي الصالحيه في حائل

لاخان ودك من تعزه على الروح = معذور لو صديت عن باقي الناس
شخصا معك يمشي لغاية ومصلوح = ان جاه غيرك باح سرك على الناس
ياقلبي لا تخدعك ضحكات ومزوح = بيع الذي باعوك واعمل كما الناس
يمضي عليا اليوم يوم اني اروح = القاه ويلقاني خفيه على الناس"
لا كل من يعشق تعود على النوح =ولا كل من خانه عشيره جفا الناس

و
أيضاً

لكم هذه
الدره

ماأقدر أعيش الواقع المر بسكات=غصبً علي من جور الأيام ضايق
بيني وبين أفراح عمري مسافات=تعوقني بالحال عنها عوايق
شيبي وهمي والضلوع النحيلات=من غربةً بالعمر مابه وفايق
غربة عمر منها الجوارح عطيبات=ولجل الرجاء جربت كل الطرايق
ورد الأمل في زحمة الياس مامات=يحييه دمعً به رموشي غرايق
بدا يجاوب صرخة العمر بآهات=مادام حظي من عنا الوقت ذايق
ياليت خلي راح مع فايتً فات=أقفى ولا شب بضميري حرايق
أقفى عن أطلالً بقت به علامات=جو الهوى فيها من أعوام رايق
يوم أعتذر وارسل على الخد عبرات=الحق على جرح الضماير لا حايق

دمتــم بخيــر
شــوقـ الصحـآريـ