لا يازمن ليتك علـى كبر الأهوال \\\ تاتي وتعطيني من الكفّ (صفقه)......( متواضعه )

[@ فــهــد @]

.
.
.

متواضــــعه ( للتـــواصل )

عســـاهـــا تـحــوز عــلى قــلــيل مـــن الــرضــى والــقــبــول

صـــلــوا عــلــى النـــبــي

.
.

الشعر حبك وسبك في كل الأحوال=فأحزان .. فأفراح .. وفتوجّاع فرقه
والشعر ترجام الأحاسيس في جال=وفالجال الآخر بالخيالات نطقه
لكن يفرق بين ضلعان وجبال=لكل ذي حقٍ نقدّيه حقّه
بعض العرب لا قال ياحي ماقال=يفنى ووسمه في قصايده يبقه
والبعض يفخر ويتفاخر بما نال=من الشعر يبرز على الناس فرقه
مايدري انه حكي ما زاده أفعال=لكن على ما قيل : قلبٍ ما يفقه
وبعض العرب يسدّ نقصه بموال=مفارق الابداع لاعدّ طرقه
وأنا وشعري نصفق الجال فالجال=في زحمة الشعّار شاعرك يرقه
أخذ الجزل واللي على البال فالبال=يا روح روحي والمعاليق شفقه
ضاقت علي الأرض من حرّ ما صال=وسط الخفوق ..وجال غربه وشرقه
ما قمت أفرّق بين الاقفاي واقبال=تايه عساه يحسّ ويسنّ برقه
لا يا زمن ليتك على كبر الأهوال=تاتي وتعطيني من الكف .. صفقه
عساني أصحى وينقلب حالي إلحال=أخير من أعيش فالجوف حرقه
أسرح وأشاهد ما بقالي من أطلال=ومن القهر أصيح : ياهيه أفقه
صدري (جريحك) والعشم فيك مازال=ترجّع اللي فاقده منْك .. سرقه
القلب .. ايه القلب ولا انت تحتال= تاخذ وترحل وآنا أهيم وأشقه
لا يا نسيم الليل .. يا هم .. يا وال=لا ياحزن .. وأوجاع .. وعيون غرقه
الى متى وأنتي تصيحين بهبال؟؟=خلي الجروح تطيب لاتصير علقه
ولامن غدالي الشعر ترجام للحال=بكتب بحبر العين .. آهات فرقه

.
.



وســــوالم

( سامحونا كان به قصور )

أخيكمـ



.
.
.