من لابةٍ تظهر نهار المقابيس

[ســلطان زمانه]

يانود هبي بالهبايب نسانيس=ويانحلة الاشعار بالشهد ذوبي

يوم القصايد نابيات ومراميس=قصيدنا عند الاصيل محسوبي

بيض الحبارى مايفرخ قرانيس=اسمع كلامي وارفع العين صوبي

والنور ياشحه بليل الحناديس=الله ولا وباب ٍ يزود ذنوبي

مايختلف نور النجف والفوانيس=النور واحد والهلافيت لوبي

مره يجي في ثوب وحش البحر نيس=ومره يجي مثل الهوى والهبوبي

وضاع النقاء بين اختلاف المقاييس=وساق القدر الايام تقفل دروبي

ياتاج كسرى وانت ياعرش بلقيس=كرامتي ماساومتها جيوبي

اعف نفسي واسبر الدرب واقيس=واحاول اصحح خطاي وعيوبي

ايوالله اني من بدو (..درّهم..) عيس=داري جنوب النجم وانا جنوبي

من لابةٍ تظهر نهار المقابيس=الجد يامي درع يضفي جنوبي

لامن ضرب قرن الشياطين ببليس=مثل الرعد فزعاتهم في القلوبي

كسابة العليا كبار النواميس=طامة العايل دهاة الحروبي

وانا احمد الله ماخذتني الهواجيس=واثق ولاهميت من عذربوبي

واللي على درب المراجل مفاليس=من بعد هذي قلت يانفس توبي

صفوا الصفوف ومقدم المرجفة هيس=وانا لحالي واركز احيان ثوبي

وان زاد جمع الدنفسة بالدنافيس=يبطون والله بالغدر ماغدوبي

ياخزرجي دنست الاشعار تدنيس=تسواك والله بنت ليل ٍ لعوبي

والحاثل اللي علموه الجواسيس=مثل البقية بين تركي ونوبي

ماعيش عيشة ليل خلف الكواليس=يدرون بي ولا عسى مادروبي