قالو علي مسحور

[عبدالله ابوعجيم]

لازلت انادي في قصيدي واغنيش=
رغم النصيب اللي خذاش وخذاني
القلب عاده يا هوى البال يطريش=
وإيحن لأيام الغلا لأولاني
اكذب على نفسي ليا قلت ناسيش=
وشلون !! مدري ؟؟ كيف قلبي عصاني
لن الحقيقه عادني ميتن فيش=
ولنش يتيمه خافقي دون ثاني
يا متلفه روحن من العام ترجيش=
يا اول تجارب عشقتي وامتحاني
يا اصعب سؤالن مر من دون تغشيش=
يا اصدق إجابه قلتها في لساني
يوم العرب تنشد عن دموع مغليش !!=
قلت الأماني ميته في زماني
محدن فهم قصدي من الناس لو ويش=
سر الغلا في بير صدري بأماني
قالو علي مسحور !! ناسن دراويش=
لنه نحل جسمي وحزني طواني
محبوبتي .... ضاق الصدر يوم اناديش=
محبوبتي .... واللــــه شوقي كواني
يا كيف أقضي باقي العمر واعيش ؟؟=
وانا مكاني مثل ماهو مكاني !!
احسب حساب انش بتاتين واجيش=
واعد لحظات اللقا بالثواني
الصدر ضايق والحزن داخلي جيـــش=
والروح ترجي صوتش إليا دعاني
لا تنكرين الزاد ,, والملح ,, والعيش=
ياللي حنانش يرتوي من حناني
أما غلا ... ما نفترق فيه حتيش !!=
وإلا نموت أثنين .... والعمر فاني




وسلاااااامتكم