الـــــــفــــراق

[بخيتان اليامي]

عسى الله يجمع الشمل على مرضاته، ولله لايوريكم مكروه ولايفرق شملكم،
أبيات متواضعه أضعها بين أيديكم عسى أن تنال رضاكم وأستحسانكم وهذا هو المقصود.

سلط على اللي سببوا كلمة أفراق = واهدافهم تشتيت عاشق ومعشوق

ماخافوا اللي للمخاليق رزاق = خلوا شعور الحب بالجوف محروق

ياليتهم يدرون في قلبي أشواق = منها السحايب هلت الدمع ببروق

ومنها كلامٍ تشهده بيض الأوراق = ذكرى سنين العمر بكتاب مشقوق

لو واحدٍ منهم بكأس الهوى ذاق = ماصار لي دربٍ طويلٍ ومخنوق

ياما تعذب من هوى البيض عشاق = وأنا ضحية من علت كلمته فوق

من بعد ما حظي مع الركب سباق = تغيرت الأحوال وأصبحت مسبوق

ياصاح ماني للمقادير سواق = حال القدر بفراق ياواهج الشوق

مكتوب لي فرقاك والقلب ماطاق = لاشك حكم الله فوق الملا طوق

يكفيك جرح ألآه ينزف بالأعماق = ويكفيك خدٍ صار بالدمع ممشوق

يا ماحلا النسيان لو كان سراق = ويا ماحلا المرباح في مرتع النوق

عسى مع السلوان بتشيلني الساق = وأقدر أعيش أيام عمري ولو بوق

هني من هو تالي الليل مافاق = ولا لواه من الهواجيس طاروق

ولا لفاه الطيف في ساعة اخناق = مرتاح بالٍ ماعرف حب مخلوق