ارجوا أن تحوز على رضاكم ..

[سلمان بن ضيدان]

السلام عليكم ورحمة الله وبركاته

.

.

.

بعد الغياب أقدّم لكم هذه المتواضعه والبسيطه

و أرجوا أن تحوز على رضاكم /

أضحك وأجامل غير مانيب مسرور=أضحك ونفسي يعلم الله خفاها

أجامل الخاطر ولو كان مكسور=وعسى الجروح يعجّل الله شفاها

ماني على الأحزان والهم مجبور=ولا ودّي أن النفس يبطي شقاها

مخلوق لي عينين ولسان واشعور=وعقلٍ يعَرف الأوله وش وراها

وأنا مثل من راح له يم دكتور=يبيه والعلّه صعيبٍ دواها

قال ارقد الله يصلحك واسمع الشور=وأنا عيوني نومها ما هناها

ونوبٍ تضيق النفس من شي مخبور=ونوبٍ يجيها ضيقها من خلاها

ولا يضيق صدرٍ ما سكن فيه حاشور=ولا يحس بالجمره سوى اللي وطاها