بنت ابــــــــوهــآ

[ريمــــــــــــــــآ]

السلام عليكم ورحمة الله وبركاته

هذه اول مشاركه لي بينكم اتمنى ان تنال رضاااكم

وهي لي موقف بيني وبين من تنادي لحرية المرأه والسواقه,فكان هناك حوار بيني وبينها

في احد المنتدياااات,,ولكل من يقول ان تواجد الفتاه فالمنتديات والحوار,بحث عن الشهره

او الحب ,,أقول لاتلتفت للكلام الضايع الا الضايعه مثله,,,,

تقبلوها كما هي

يالله ياللي عالم بكل الأحوال = تغسل كبودٍ من رداها مغلوله
الفكر دايم راحل بي ونزال = سبة اعلومٍ جايبتها مهبوله
يابنت كل اللي تقولينه أخبال = حنا نخاف الله ونتبع رسوله
ماجيت ادور في البلد ضرب الأمثال = ولاحسبت احساب دور البطوله
أقول قولي بس من ظمن الأقوال = على النقا وكلٍ على حسب قوله
ألحب مالي فيه يابنت مدهال = ورجلي عن أدروب الغرام معقوله
يوم بنت اللاش بالحب تختال = نفسي تشوم ونون عيني خجوله
أحسب حساب لوالدي طيب الفال = مااهين وجهه بين قوم وحموله
مهره ولا يقدر عليها اي خيال = يبطي الضعيف مايعسفها بسهوله
يكفيني أني بنت طلقين الأفعال = مثل القمر ينشاف ما احدٍ يطوله

وســـــــــلامتكم