طلعوا الاعمام وبقوا نواف وفواز واقفين
خالد: ما ودكم تطلعون؟؟؟
نواف: لينا حبيبتي متضايقة من وجودنا؟؟؟
لينا: لا طبعا
طالعها خالد بنظرة: طبعا بعد ... طييييييييييب اوريك؟؟؟
قربت رؤى من فواز وقربت من اذنه: عاجبتك الوقفة؟؟؟
فواز: ليش في شي؟؟؟
رؤى: اكيد مبسوط ... واقف وسط البنات وهم يتفرجون عليك
فواز: ههههههههههههههه مجنونة!!!
رؤى: مجنونة مجنونة ... بسك خلاص ... اختك وشفتها ... مالها داعي الوقفة
لينا: رؤى
رؤى: امري
لينا: دامك لابسة ومتكشخة ... خذي المصورة وخليها تصورك مع فواز بالغرفة
رؤى: لا حبيبتي ... هذه صورك
لينا: بلا دلع وسخافة ... يالله روحوا صوروا ... ابي اشوف مين صورهم احلى ... صورنا ولا صوركم؟؟؟
فواز: طبعا صورنا ... تقارنيني بزوجك وجه العنز
لينا: حرام عليك
طبعا من الازعاج ... خالد مو سامعهم ومستحيل يسمعهم ولا كانت علوووووم
لينا: يالله روحوا بسرعة قبل لا نقطع الكيكة لاننا نبي المصورة بعدين
فواز: يالله رؤى ... مسكت يده ومشت فيه على الممشى وطلعوا للغرفة
نواف: شوف قليل الخاتمة ... تركني وطلع!!!
خالد: عنده دم الصراحة مو مثلك
نواف: الصراحة انا استحي اطلع بروحي ... ودام فواز طلع وتركني بنتظركم لين تطلعون واطلع معكم
خالد: نعععععععععععععععععععم
لينا: خالد ... انت واقف قدام الناس ... انتبه لتعابير وجهك
خالد من بين اسنانه: واخوك مخلي فيها تعابير؟؟؟
نواف: لا بجد ان دل على شي فهو نحاستك ... واقف قدام هالعالم كله ومو مضايقك الوضع ... وانا يعني اللي مسوي لك ازعاج؟؟؟
خالد: الصراحة ايه .. انا ما ودي ...
قطع كلامهم صوت منيرة: نواف يمه ... خلاص اطلع ... بنت عمك وامها اكيد يبون يصورون مع ولدهم
نواف: تامرين امر يمه ... بشرط ... نادي لي وحدة من الحسناوات توصلني برا
منيرة: والله تزوج وزوجتك توصلك ... خلك على عنادك نشوف وين يوصلك
نواف: لا اذا السالفة فيها زواج خلاص بخلي لما تطلعني
في غرفة التصوير ...
المصورة واقفة مع فواز ينتظرون رؤى تنزل عبايتها وتضبط شكلها ... خلصت وقربت من فواز ... يالله
وقف فواز ساعة يطالع فيها وبهدوء: رؤى ... انتي كنتي لابسة هالفستان قدام الناس؟؟؟
رؤى باستنكار: بالله هذا سؤال ... يعني غيرته احين؟؟؟ اكيد اني لابسته قدامهم!!!
فواز وهو يمشي بصبعه على ظهرها العاري من تحت رقبتها الى نص الظهر تقريبا عالعمود الفقري: وكل هذا طالع قدامهم؟؟؟
رؤى: فواز ... ايش فيك؟؟؟
فواز بعصبية: ابببببببببببببببببببد ... سلامتك ... طالعة للناس بهالفستان وتسألين ايش فيني؟؟؟
رؤى: فواز ... طلعت فيه للحريم ... مو قدام رجال؟؟؟
فواز: حتى لو حريم ... ما يصير تلبسين هاللبس قدامهم
رؤى: فواز لا تصدع لي راسي؟؟؟ اذا ما تبي تصور بطلع عادي
ولفت بتروح ... ومسكها من يدها بقوة: لما اكلمك ما تلفين وجهك وتطلعين
رؤى وهي تطالع في يده اللي ماسكة يدها: اضربني كفين قدام الحرمة الواقفة احسن
تركها فواز وهو معصب: وقفي خلينا نصور ونخلص
رؤى: ما ابي اصور خلاص ... عافت نفسي
فواز وهو يسحبها لجهته: مو بكيفك ... انا قايل لك ... زواجنا اهم شي فيه صورتنا قدام الناس ... وقفي عدل وابتسمي .. وسحبها بحيث لصق جسمها وظهرها العاري بصدره
صوروا كم صورة ... وكم حركة جريئة من المصورة ... والوضع بينهم متوتر ... بس مبتسمين من الخارج ... ولا كل واحد يحس ان في صدره نار تحرق ضلوعه
خلصوا تصوير ... وراحت لعبايتها تلبسها ... ما انتظرها فواز وطلع من الغرفة ... الغرفة كانت داخل جناح كبير مخصص للعروسة ... يعني غرفة وصالة وحمام ... طلع من الغرفة ... وفي الصالة
: فواز
لف راسه ... شاف بنت واقفة عند طاولة التلفزيون ... عرفها على طول ..
ســـــــــــــــــــــــــــــــــــــــــــــــــ ـــــــــــــمــــــــــــــــــــــــــــــــــــ ــــــــــــــر
كانت واقفة بعبايتها ولافة الشيلة على راسها وماسكة طرفها بيدها كأنها بتغطي وجهها فيها ... طبعا بس بالاسم ولا الوجه كله طالع
فواز وهو منزل راسه: هلا سمر
سمر: ممكن تساعدني؟؟؟ العباية مسكت بعجلة الطاولة ...( الطاولة لها عجلات للتحريك) ... ومو قادرة اطلعها
تقدم فواز منها ونزل للارض وحاول يفك العباية ... بس ما يدري شلون كانت داخلة ... ملتفة حوله ومو راضية تطلع معه
فواز: شلون علقت كذا؟؟؟
نزلت سمر لمستواه وجلست جنبه: اساعدك؟؟؟
رفع راسه فواز لها ... عبايتها مفتوحة من قدام ... واصلا فتحة فستانها كبيرة مررررررررررررررررررررررررة لدرجة ان نص الصدر مبين وطالع ... مدت يدها يعني انها بتساعده ... وطبعا طاح اللثام اللي كانت ماسكته بيدها وانكشف وجهها المليان مكياج ... فواز من هول الصدمة ما عرف يتصرف ... جلس يطالع فيها مستغرب منها ... وهو على هالوضع ... طلعت رؤى من الغرفة بعد ما لبست عبايتها ... شافتهم جالسين متقابلين ... ويدهم ممدودة لشي بس ما انتبهت له ... لان عينها طاحت على صدرها العاري ووجهها المكشوف المليان بالزينة
: ما تبون انادي المصورة تصوركم
فواز بس سمع حسها نقز وقف وقال بسرعة: رؤى ... تعالي ساعدي سمر تطلع عبايتها
وطلع بسرعة من الجناح بكبره وهو مو عارف ايش اللي صار بالضبط
سمر وهي تبتسم بخبث: قلت لك ماتتهنين فيه ... تعالي بس ساعديني؟؟؟
رؤى ببرود: مالها داعي المساعدة ... نزلي عبايتك واتركيها جنب الطاولة اللي علقت فيها ... لان لبسك لها ماله داعي اصلا
وطلعت وتركتها وهي معصبة وواصل حدها من فواز ... هي عارفة ان سمر هي اللي تستفزه ... بس بعد ... هو يعطيها وجه ... يقهرررررررررررررررر
بيت عبدالعزيز بعد العرس ...
الكل دخل وهو خلاااااااااااااااص واصل حده من التعب ... رؤى بعد ما رجعت للقاعة حاولت تبين انها طبيعية ... اول شي عشان لينا ... ثانيا ... ما تبي تعطي سمر فرصة انها تتشمت فيها وبينت لها ان الموضوع ما همها
ولما طلعوا من العرس نادت ليان ولما يركبون معهم في السيارة لانها ما تبي تواجه فواز او تسمع منه شي ... وصلوا البيت وكل واحد رمى نفسه على كنبة في الصالة من التعب
منيرة: يالله ... كل واحد على غرفته ... لا ترمون لي انفسكم هنا
ليان: تعبااااااااااااااااااانة
منيرة: خلاص على فراشك على طول
فواز اللي ما جلس اصلا ... يبي يصعد يشوف ردة فعل رؤى: يالله رؤى
رؤى بصوت عالي تبي تسمع عمها: فواز لو تنام اليوم عند نواف احسن!!!
الكل التفت لها ....
فواز من بين اسنانه: رؤى ... قدامي فوووووووووووق
رؤى قربت منه وحطت يدها على صدره: لا حبيبي ... اتكلم جد ... اليوم دخل صدرك اشكال والوان من العطور والبخور ... اخاف تتعب علي بزيادة وما اعرف اتصرف
تدخل عبدالعزيز: صح كلامك يا رؤى ... فواز ... نام عند اخوك اليوم
فواز صعد فوق من غير ما يتكلم ...........
رؤى: لما حبيبتي ... تعرفين تفتحين شعرك ولا اساعدك؟؟؟
لما: لو تساعديني احسن ... دايما لينا تفتحه لي ... ما اعرف افتحه بروحي
رؤى: يالله امشي معاي على غرفتك
تعمدت انها تتأخر ما تبي تشوف فواز ... فواز غير ملابسه وراح لغرفة نواف وهو معصب
في غرفة نواف ...
نواف: ايش صار؟؟؟
فواز وهو نايم ومغطي راسه: تعبان وما ابي اتكلم
نواف: انت الكلام عندك بفلوس؟؟؟
فواز: نوااااااااااااااااااااااااااف
نواف: كيفك ما بتتكلم ... طق راسك بالجدار
وحط راسه ونام
صبح ثاني يوم ... تعمدت رؤى انها ما تقوم من النوم لدوام فواز ... دخل الغرفة وشافها نايمة .. انقههههههههههههر منها ... وانواع الاصواااااااااااات والازعاج ... بس هي ولا رفعت راسها ولا تحركت من مكانها
عصب عليها ولبس ملابسه وراح للمستشفى ...
حاس بضيقة وزهق ... ولو راح لنواف بيسأله وهو ماله مزاج للكلام حاليا ... وخالد عريس واجازة ... مالي الا عمي تركي
مكتب تركي ...
: تفضل
طل فواز براسه: مشغول؟؟؟
تركي: الله يخليك مسطوووووووووووووووووووووووول من التعب
فواز: ههههههههههههه الله يسامحه الوالد
تركي: من شطانتكم ... تغيبون عالفاضي والمليان ... كان خبيتوها لمثل هاليوم
فواز: هههههههههههههههه هو حاطنا في باله ... ولا ما بتقوم الدنيا اذا ما داومنا اليوم
تركي: لاجد فواز ... حسوا بالمسؤلية شوي ... المستشفى هذه لكم
فواز: تركي ... مالي خلق نصايح ... بروحي واصل حدي
تركي: سلامتك ... ايش فيك؟؟؟
فواز: ضايق خلقي
تركي: ليش؟؟؟
قطع عليهم صوت الباب زطل نواف براسه: فواز ... انت هنا وانا ادور عليك بالمستشفى كلها؟؟؟
فواز: والله فيه اختراع اسمه جوال يمدحونه!!!
نواف: ادق عليك مافي خدمة
طلع فواز جواله من جيبه: هذا هو ... ما فيه شي ... شغال
نواف: يمكن ما فيه ارسال!!!
فواز: يمكن؟؟؟
نواف: طيب تعال معي ابيك
فواز: اوووووووووووف نواف مالي مزاج
نواف: قوم قوم ... بعدل مزاجك
فواز: طيييييييييييييييييييييييييب
طلع فواز مع نواف وتركي يضحك عليهم ... وجلس يكمل شغله
قطع عليه صوت جوال غريب ... مو جواله!!! رفع راسه شاف جوال فواز عالمكتب ... الظاهر انه نساه ... طنشه وكمل شغله
بس الجوال ما سكت وكل ما يوقف يرجع يرن مرة ثانية
رفع الجوال يشوف الاسم ... قراه ... يعرف الاسم هذا زين ... بس ليش يتصل بالالحاح هذا
حاول يتجاهله ويكمل شغله ... بس ما قدر ... فوق عشر مرات ومتواصلة ورا بعض
رفع الجوال وبتردد: الوووووووووووووووووووو
ياترى ميييييييييييييييييين اللي اتصل في فواز؟؟؟ وهل بيكون له دور بالقصة؟؟؟
يتبع
10-10-2009, 12:58 PM
العرض الشجري