عبـــايــر / على الأقل جدّي عرف وين بـ يروح ..!

[@ فــهــد @]

.
.
.

للتواصل

بعد غياب ..

يا خاطري .. أدري بـ ودّك وودّي ..=ولا كل من له ود .. سوّاه .. مسموح ..؟
تدري وش اللي يكسرك وأنت جِدّي ..؟=شوفة .. بروق تلوح .. في عين مجروح..
عبايرٍ .. منها الملامس .. يندّي ..=لا من تعلّت عين .. ( عاجز عن البوح )
قالت : أنا للحين .. أبكي / وأهدّي ..!=وأنت إبّرود أعصاب .. تطلبني أروح ..؟
قول .. إجلسي جنبي تحت .. فيّ ( ودّي )=وإطلب رضاي .. وعامل النوح / بـ ( النوح )
قلت : البشر تدري بـ ( حكايات ) يدّي=منهو شراني حب ..؟ ترخص له الروح ..
فتل .. التفاصيل القديمه .. يؤدي ..=إلى ( ألم ) أدهى من مسامر جروح ..!
شوفي .. ( أثر دمعي ) على سفح .. خدّي=وشوفي ( غثى الدنيا ) على العين .. مفضوح ..!
يا كثر ما تخطين وآنا أعدّي =ولا قلتي : آسف عـ ( الخطا ) قلت : مدموح
تخيّلي ناتج .. تعدّيش ضدّي ..!=دنيا عتاب .. وناسها غبن مكبوح ..!
فلا تلوميني إذا صار .. ردّي :=روحي / عسا فعلش من القلب مبيوح ..
كفّي العباير .. دامها ما تسدّي ..=ولا تشرحين الدرس ؟.. الدرس مشروح..!
قالت : بروح..؟ وقلت : مرواح جَدّي ..!=على الاقل جَدّي عرف وين بـ يروح ..!

سوالم

أخيكمـ


.
.
.