سلام عليكم ورحمه الله وبركاته
قصيده لتواصل لعل وعسى تحوز على رضاكم
حسيبي على اللي صد عني وأنا مغليه =وأنا ماهقيت انه يصد ويخليني
هقيت الجفا والصد من بيننا نهيه =وثر حالو العذال من بينه وبيني
عسى من تسببلي صدوف الزمن ترميه =ويصبح مابين الفقر والهم والديني
نكبني مع غنج الدلع والعمر يفديه = وأنا من بعد فرقاه ياويش يحيني
هجرني حسين الوصف ياجعلني مبكيه =وأنا داري اني مثل مغليه يغليني
لكن العواذل تهدم اللي نبي نبنيه=صروح(ن) من امجاد الغرام وتغذيني
سمع هرجه الهارج وصدق بما يوحيه = وقفى وثوب الهم والحزن كاسيني
الى هب نسناس الهوا وبتدا طاريه = وش اللي من الضيقات والهم ينجيني
سقى الله ياحب(ن) مابقي سوا ماضيه =هدمه الزمان اللي طعونه سكاكيني
تحملت مايكفي وش اللي بعد يبغيه =وشلت الحموله مثل شيل البعاريني
ترا مابقى للقلب شي(ن) بعد ياتيه =يكفي عن الموضوع روس العناويني
انا بحفظ الباقي وخاف الزمن يمحيه =مثل مامحى زينه جمال المزايني
مهاهدني وليه العهد ماهو بيوفيه = وأنا لطلبني ثرت مثل البراكيني
ولا ياضميري مايفيد الحزن والتيه =تغانم زماني وعرف الوقت قافيني
ترا قلبي مزع ولا عاد باقي فيه =سوا عرق واحد متصل مع شرايني
مدامه نوى الفرقا ترا ماني برجيه =لكن من بعد فرقا الغضي خاطري شيني
وسلامتكم
العرض الشجري