بـــــوح وصـــــدى ....حزن التلاقي...!

[شـــواش]

السلام عليكم ورحمة الله وبركاته
اضع بين أيبدكم هذهِ القصيده المتواضعه ""
واود أن تنال اعجابكم

حبيبك اللي عزرة فيه دنياه=تاهت به الخطوى ولحدن درابـــــه
عاش الغريب اللي زمانه تبناه=ضايع(ن) مابين هم وكأبه
حبيبك اللي تنشده كيف يمناه=معاد هو صاحبك الاول تهابــــه
خله مع اللي بعد منك تخلاه=خله يعش الغربه ويا عذابــــه
شف كيف صار بدنيته حي مرثاه=شف كيف بعيونه عزا في عزابه
هذا حبيبك جارته كل بلاياه=وهذا أنا هو الزمن لي جابه
جاني صويب وهمه ايجر بخطاه=من فوق متنه ساعفه من ثيابه
الهلاك مبعثره في محياه=وحلته يرثى لها من درابه
والدمع في محجر عيونه معاناه=وشفاه ترجف ضعيته عن حبابه
حبيبك اللي تنشده رح تلقاه=ضايع يدور عن خطا في صوابه
قالت تعال ارجوك خذني لياه=كمل جميلك ودني عند بابه
بذرف دموع الشوق عنده بلقياه=ابشكي فرقاه وأشكي غيابه
أنا ترى مايدري لاحل طرياه=شريان قلبي تجتمع للحرابه
وصيتي لك يالزمن داه ودواه=خذني عليه وشوفتي هي دوابه
ان كنت الزمان اللي أخذت ابتبناه=خذني يتيمه ضايعه مع غرابه
خذني فتات ولمني مع بقاياه=خذني وفاة وحطني في ترابــــه
اليا متى بصبرعلى ليل فرقاه=واليا متى تمطر حظوره سحابه
اليا متى شمعت لقانا مطفاه=معتم عليه اليل كنه ضبابه
واليا متى أيدي تلامس مع ايداه=واطيب أجروح الهوى من زهابه
لاشك عمري يحتظر شوق عيناه=كني أحس العمر فيني طوابه
يشبه طفل توه عن امه فطمناه=و كنه لبيب ولايعرف اللبابــــه
وينك تعال ارجوك خذني لدنياه=ودي أكحل عين شوقي عذابه
تعال خذني شمعه تضوي بلقياه=ودي أنور ظلمته بأقترابه
ودي أكون النور لاحل وياه=أمشي معه وأتبع دروب ٍ خطابه
وصيتي لك يالزمن داه ودواه=خذني عليه وشوفتي هي دوابه

أخوكم: شواش العنزي

[/quote][/quote]