ياعابر الخاطر تصورت معناك=لاشك ماكل الخواطر تقالٍ
خذ صورتك لى جيت ساري بمسراك=مالك بها مصلوح تبقى ولالي
تلقى من الشعار الاقصين ذولاك=من ياخذ المعنى على كل حالٍ
وانا اتخير من معقل مطاياك=مركوبة الفكر وافك العقالٍ
إماسريت الليل مع نجم الفلاك=والا مع شمسي تبعني ظلالي
أوزن كلامي قبل يكتب بالابواك=واقلب المعنى على ماطري لي
الورد طيبي واتسوك من الراك=والثوب ضافي والقصير راس مالي
الناس تفنى والمباني والاملاك=والقول يبقى والخبر للتوالي
الشعر معنى حكمته بعد الادراك=وماكل مايلمع على النور غالى
والشعر صورة شاعره فيه تلقاك= إما لبس لك جوخ والا سمالٍ
يالله يالمعبود انا لذت بحماك=من كلمةٍ تنقد عليها الرجالٍ
وسلالالالالالالالالالالالا متكم
23-11-2009, 05:24 PM
عابر الخاطر
العرض الشجري