من خانت اخوانها من شان ترضيني ,,, بتخونيني لجل ترضي واحد ثاني

[محمد المحلكم]

السلام عليكم ورحمة الله وبركاته
هذي قصيده من جديدي عساها تنال على اعجابكم

قابلتها دون موعد يوم الاثنيني= وصديت متعمدا ً بالصد بلعاني
قالت محمد هلا وان كنت جافيني= عقب الغلا يامحمد ليه تجفاني
قالت محمد علامك كنك ناسيني =ماكنت اضنك مع الايام تنساني
قلت الخلا وان ذكرتك ويش تبغيني = مبغاك في قلبي ودمي وشرياني
رحتي مراح الجفاء يابايره فيني = رحتي وانا قولك لحظه على شاني
قالت تناسي من الي راح ذلحيني = واسمح جميع الخطايا كان تبغاني
وان كان ماتسمح الي صار ياعيني = بصد وأقول يكفي منك ماجاني
قلت ارحلي مابقى بينك ولا بيني =ودعتك الله وانا الي كنت غلطاني
ودك تصدين ولا ماتصديني = معاد قلبي على لقياك ولهاني
ماتعبت نفسي على طرد المقفيني = ماني على طردة المقفين شفقاني
بهديك بيت ٍ قبل ماروح يكفيني= من واقع الوقت بيت الشعر ملياني
من خانت اخوانها من شان ترضيني = بتخونيني لجل ترضي واحد ثاني