آنـــــــــــ خآرج التغطيـه ــــــــــــــــــــآ

[قرناس العازمي]

يا راعي الفورد الغماره على ويـن=اشوفـك محـاذي طريـق المدينـه
تنوي غروب الشمس من دون فرقين=فـوق العجـام العيثمـه ناطحيـنـه
مبرقعن طيـرك صليـف الشياهيـن=والموتـر ازداد بمسيـرك حنيـنـه
ارفق عليه ورب الاحيا لـك معيـن=لا يحتمـي بالـدوس راس المكينـه
حذرا تـرا بالقـار تلقـى البعاريـن=والخيـر لـو دون المسـا لاحقينـه
ادري تريد الخرب من دون ضلعيـن=لكنهـا الساعـات محكـوم حيـنـه
شوري عليك امرح بجرف الجذيبين=واليـا تواسيـت الضحـى مقتفينـه
ارزاق الاحيا لو بغاهـا السلاطيـن=ما حاشهـا بامـر الولـي طالبينـه
لو تاقف جيوش الملـوك المعاديـن=ما طالوا المقسوم لـو سـاق تينـه
عليك بالتقـوى طريـق السعيديـن=ترتاح مـا تلقـى النكـد والغبينـه
ترا الحياة دروس والنـاس داريـن=والغانـم اللـي بالمحاسـن ظنينـه
كم شلتن يجرون في مـاش لاهيـن=واقلوبهـم دون الشـفـا دافنيـنـه
طفايق النوهـات روس الشياطيـن=لفـح القمايـح والسخـا نابذيـنـه
ترا اللي تلعب مخمصه بين حبليـن=هـذاك يبقـى للحسايـف رهيـنـه
ما تمشي سبوت الـردي بالبساتيـن=تلقـى السنايـع بالحفـا تاركيـنـه