آقـلـطـو...!!

[فلاح بن ملبز]

يـا سالم فينـي همـوم الكـون ملتمّـه=لو منت اخي ؟؟ كان ما علّمتك علومـي !

جعلـك بعـد راعـي الهـزلات والنـمّـه=اللـي بفعـل الـردى بانـت لـه نجومـي

ناسٍ علـى طيحتـي بالحيـل ( مهتمّـه )=تنطرني اطيـح .. الا مـن زادت همومـي

لـو بيدهـم حـال ذا العربـان والامّــه=اطلق شنب حالتـه حالـه ومضيومـي !!!

بعض العرب انخلق .. والبغض ؟ .. في دمّه=مابه مشاعر مـا غيـر عظـام ولحومـي

مـات الضميـر وتلـوّث ذمّـتـي ذمّــه=والخلـق مابيـن يـا ظالـم ومظلـومـي

يا سالم اوصّيـك .. خلّـك عالـي الهمّـه=لا تآمـن دروب فيهـا شـوك وسمومـي

خـاو الـذي بالمـراجـل نـافـذٍ كـمّـه=وخلّك على (منهج) و(مبدأ ) و(مفهومـي)

مبطي وانا اسمـع كـلام وحافـظٍ صمّـه=الخـوّه اللـي تنومـس .. خـوّة قرومـي

وانـا عيونـي موصيهـا علـى القـمّـه=مبعد عن الكبر وسلومـي هـي سلومـي

والناقـص اليـا حضرتـه قمـت واتمّـه=هـذا فضـل خالقـي قـوّا لـي عزومـي

لـو زاد همّـي علـي بأستقبـل اليـمّـه=وادعي لربي دعـا .. وأبليـس مرجومـي