يا المهنا زان جوّي واجتهادي = كونه انه صار مع وضعي عديل
جاذب ٍ ياللي على الرفعه تنادي = جذبة الفارس على ضرب الصقيل
مخفي ٍ علمك مثل غدر الهجادي = ثم قدحلي النوض بالرجم الطويل
واصفر ٍ خالط معه لون ٍ رمادي = كالخليل اللي حظا صدره خليل
اشهد انك حابك ٍ حبك ٍ وكادي = واشهد ان الشعر من راسك جزيل
واشهد انك هايم ٍ في كل وادي = شاعر ٍ توضح وثم تخفي الدليل
اسمع محمد ولا تسمع عبادي = (وام كلثوم ٍ) تهيضك يالعليل
وانطر الرّمان لايوم الحصادي = مايجي بالساهله شي ٍ جميل
ادري انه محتمس فيك الفؤادي = خايف ٍ تفلس بعد صبر ٍ طويل
لاكن اغنم دام منتوج البلادي = يعطي الرجال مايملي الشليل
وسلامتكم
الشاعر / سعود رتيبان الجويّر
رد على قصيدة المهنا كذب ليل
العرض الشجري