حكم القدر

[محمود هويج ال مخلص]

عيـونـي مــن ثــلاث ايــام مـاذاقـت لـذيـذ الـنـوم=
سهـيـر ودمعـتـي تــذرف وامسّـحـهـا بلكـمـامـي

فــلا يالله يـلـي فـــارضٍ حـــج وزكـــاة وصـــوم
=تهونـهـا عـلـى قـلـبٍ بــلاه الـحـب مــن عـامــي

سبايب نفسي بنفسي وانـا الجانـي يامـال القـوم
=دخـلــت بـغـبـةٍ لـمـواجـهـا هــــول وتلـيـطـامـي

وبعت بسوق من عند المساوم يرخصون السوم=
كـسـرت بسلعـتـي والــي شـراهـا بـــاع قـدامــي

خسـرت ولاربحـت وعزتـي لـي دام ذا المقـسـوم=
صبـرت بمـا كتبـه الله عـلـي والقـلـب منضـامـي

مـادام الله خلـق معطـى فسبحانـه خلـق مـحـروم
=صحايفـنـا تــروا رفـعـت وجـفـت روس لقـلامـي

كفانـي ماقفانـي مـن عتـب مـن لـوم يتـبـع لــوم=
قـسـم بالله منسـاهـا يـلـيـن آلـــف فـــي خـامــي

فــلا ياطـيـر يـلــي تـرتـفـع وتشـوقـنـي بـلـحـوم
=تـرى قلبـي معـك ياطيـر شـلّـع بالسـمـاء حـامـي

ليا جاء الليـل لـي قلبـي مكانـه مـع قمـر ونجـوم
=يـنـاظـر بيـتـهـا مـــن فـــوق مــــاوده بـعـلامــي

تكـون مـن دمـه غيمـه مـع غيمـه فجـات غـيـوم
=وساقتهـا ريـاح الـوسـم صــوب ديــار لسـلامـي

وهـلّــت مـاطــرٍ ســيــل بــوديــانٍ ودَكّ رجــــوم
=صـدوقٍ فـي مخالـه مـاطـره لـونـه يـجـي دامــي

ربت لارض وظهر فيها النفل والورد واليشمـوم
=وراع الــذود جـــر الـصــوت جـــوآه وتـكـلامـي

احس بنبض قلبي بس صدري فيه ضرب سهوم
=ولامـن جيـت باقـف طـحـت ماقستـنـي عظـامـي

ياليت الحب فيه حقوق تعطـى وان عليـه رسـوم
=يـالـيـت الـحــب ديـــنٍ فـيــه تسـلـيـمٍ وسـلامــي

ياليـت الحـب يلّـي تعـرفـون الـحـب فـيـه سـلـوم
=وياليـتـه يـوثـق فـــي عـهــد يـبـصـم بلبـهـامـي

خذوا علمـي وانـا اللـي مانويـت ابـوح بلمكتـوم
=وانـا اللـي صابنـي ماصابنـي مـن تـرف لقدامـي

جيوش الفرس شنت حربها ضدي وجيش الروم=
تساعـدهـم فـلـول باقـيـه مــن جـيــش صـدامــي

مـلـك قلـبـي وخـلانــي اهـيــم بدنـيـتـي مـظـلـوم
=دعــوت الله ينصفـنـي وانـــا بـلـبـاس لـحـرامـي

تغيـر وضعـنـا لاول مــن الفـايـز مــن المـهـزوم
=رمانـي فـي شباكـه لـيـن وقعـنـي وانــا الـرامـي

احسب اني حريص فضاع حرصي بين ليل ويوم
= فـــلا يالله هـــون مـاتـخـبـي ســــوود الييامي