من روائع القصيد

[الخريف]

السلام عليكم جميع..................

اول شيء هذي قصيده قريتها واعجبتني ولا عرفت من الشاعر ................



ثاني شيء ارجوا ان تنال اعجابكم........................

شفتها يا سعود صدفه بعد ما غابت سنين =عند قسم المختبر وسـط مشفـى الجامعـه

جيتها ثم قلت ممكن في سؤالي تسمحيـن =ناظرت فيني بدهشـه نظـره متواضعـه

قالت انته تحسبني من بنـات صايعيـن =تحسبني في زماني عن طريقـي ضايعـه

قلت انا ماراح اطـول كلبوهـا كلمتيـن =وابعدت عني شويـه ثـم جتنـي راجعـه

قالت اسال واضح انك من رجال طيبين =بس هرجك يالسنافي كان وشهـو دافعـه

قلت انا حبيت وحده يوم كنا صغيريـن =ومن ثمان اسنين راحت للمواصل قاطعـه

عقبها ماذقـت نـوم يهتنيـه النايميـن =ساهر في طول ليلي لين شمسـي طالعـه

اذكر انه فيه حبه فوق ثغره مـن يميـن =واذكر انه لاجرينـا كـن شعـره تابعـه

واذكر انـه عاشـق فالـورد الياسميـن =صار قلبي بالورود اللي عشقهـا زارعـه

طابعا اسمه بقلبي فيه سين وفيـه عيـن =وفيه الف وفيه دال وسـط قلبـي طابعـه

قاطعتني بقولها سبحـان رب العالميـن =كررتهـا مـره ومرتيـن مـرّه رابعـه

قلت وشفيك وشبـلاك يابنيـه ترجفيـن =ليش عينك يابنيـه مـن كلامـي دامعـه

قالت الموقف وقلبي والمحبـه والحنيـن =كيف اشوفك بعـد ماكنـت عنـك قانعـه

قلت انا بسألك انكانـك انتـي تذكريـن =عن مواثيق ثمنهـا مـن حياتـي دافعـه

قالت ظروف الزمان ماتطيع العاشقيـن =بيعوني غصب حبك لو هو مانـي بايعـه

انا في دنياي حالي كنها حـال السجيـن =حتى لو فكوا سراحـه فيـه شـي مانعـه

زوجوني غصب واحد وحرموني حاجتين =السعاده فـي زمانـي والحيـاه الرائعـه

والحين انا ام لثلاثه عندي ريم وياسميـن =والولد ا سمه على اسمك والمشاعر جايعه

وتقبلوا تحياتي