الشيخ / صباح جابر العلي في لقاء مع شبكة العجمان

[admin]

السلام عليكم ورحمة الله وبركاته


&&الاخوه اعضاء و زوار شبكة العجمان الاعزاء &&


كما عودتكم الشبكه بلقاءاتها المميزه وانفرادها بنقل الاحداث وتغطيتها لها ..


ها نحن الآن نتجدد معكم بلقاء مميـّـز .. بتميـّز من القتيـناه ومن خصّ الشبكه بحديثه


(مواطن)


خدم بلده من عدّة مواقع و مازال يخدم هذه البلاد الطيبه...


(شيــخ)


لم يؤثـّـر به اللقـب والصفـه .. في تواضعه وتعامله الأنساني الراقي مع الاخرين ...


(انسان مثــّقــف)


يمتلك من الثقـافه والمعرفه ما يفـتـقـده غيره ....


(كنـز تاريخي )


من المعلومات والاحداث التاريخيه ومطّـلع وملـمّ بها لدرجة ان كثير من ابناء اسـرته يغبـطونه على هذه الصفات التي نادرا ما يكتسبها ويتميـّز وينفـرد بها اي شخص


هـو !؟


اضــافه ومكسـب لكل مادة اعلاميــه



الشيخ الذي اجتمعت فيه تضادّات اللغه .. وأسما ً و وصـفـا ً


جمع بين التسامح والشمـوخ وبين الهيبه والتواضع


يعتـزّ بالقبيـلة التي ناسبـها جده المغفور له الشيخ :علي السالم


و أنجب أحد وابرز ابناء الأسـره الحاكمه في الكويت منذ صباح الأول



والده المغفور له الشيخ :جابر العلي الصباح

الذي لو اجتمعت مفردات اللغه في صفاته و وصف مدى حبـــّـنــا له !! لما بلغت ذلك


يفـخر بهذه القبيله في الاوساط الاجتماعيه والاعلاميـّـه حتـّى بلغ منه ذلك أن قال في احدى لقاءاته

التلفزيونيـّه (انّ الشرف والعزّه يتكملان عندما تنتمي الى هذه القبيله او يكون لك نسب بها )


وقولـه ايضا ( كل رجـّال شجاع وكريم ويحمل كل صفات الرجوله في الكويت والمنطقه هـو عجمي حتى لو اصله ماهو عجمي .. فهــو اصلا عجمي لانه يحمل صفاتهم وجينـاتهم الوراثيـّـه )


وصل به الفخر بهذه القبيله حتـى اصبح يتحدث بـ نون الملكيـّه (حنـّا يالعجمان لا زوجنا الردي فينا .. بنتـنا امـّا تظهـر قلبـه وتـشبّ ضوّه ؟ والا أحرقته ولا يعدّ خساره ) .


بأسمكم جميعا نرحـّب بـ سليل المجد الشيــّخ / صبـاح الجـابر العـلي الصبـّـاح . . .


والذي كان لنا شرف اللقاء به والاستمتاع بحديثه .. الذي لن يكون كالمعتاد بالاجابه على الاسئله !
ولكن من فرط الاستمتاع بالحديث .. وضعنا الاقلام جانبا وتلاشت الأسئله المعـدّه مسبقـا ً


نتركـكم مع الحديث العفــوي للشيخ الضيف :الشيخ/ صباح جابر العلي الصباح


&قوله عن العجمان&


اقول العجمان عز وفخر ومايدشون مكان الا يزها بوجودكم ولا يغيب عنكم التاريخ ولاتطرى سالفه من سوالفكم في مجلس الى يزها المجلس بطاريكم مو حتى بوجودكم وبس؟
وانتم غايبين وهذي من علومكم الغانمه حق البعيد والقريب ومراجلكم اللي الكل يفخر بها


راكان هـو وجهي ودرعي ...واللي مايقيمكم هو ميزانه مختل ولا انتو ميزانكم فوق الناس وانتو الكويت ديرتكم وشيوخ ال صباح ..

ال صباح يحبونكم كبيرهم قبل صغيرهم ويناسبونكم مايناسبونكم علشان الجمال ؟

يناسبونكم يبون منكم عيال يطلعون على خوالهم والحمدلله هذول عيالنا نفتخر فيهم
ال صباح نصهم خوالهم العجمان طاريكم ينومس

سوالفكم تنومس .. مهو وجيهكم مهو مراجلكم مهو شاعر المليون الي على الخليج العربي كله ولا على المراتب الثانيه على الرابع والثالث ولا النقابات ولا مجلس الامه ولا ولا الا
والله عز وفخر ونوماس والخير بقبال وقدامكم العز والفخر مثل ماكان راكان اول !؟


انتو الحين .. وباجر عيالكم ... جيناتكم وغير جيناتكم بعد ..اخلاقكم اللي صعب على غيركم يسويها
والله اني قاعدلي عند ناس يسولفون بالقبايل ويوم يجي طاري العجمان وكلن حقه والنعم وثلاث انعام


& راكان بن حثلين&


راكان ماكان حق العجمان راكان حق الدوله العثمانيه وامة الاسلام لما هزم الصربي تعتقد نصره حق العجمان ؟؟؟؟؟؟؟


فالمعركه العضويه كان جسد راكان لكن فالمعركه الحقيقيه كان الانتصار حق الامه الاسلاميه كلها وكان الانتصار بعد حق الدوله العثمانيه وكان الانتصار حق العجمان
يقول العجمان فخر حق المسلمين والعرب والاتراك والمسلمين ولا الدوله العثمانيه واليه وحاكمه من هناك لي هناك الي فكهم بالحرب واللي سوا واللي سوا منو ؟؟


هذا راكان ضئيل الجسد عظيم المعاني ..

الاجساد ماتفك ياحبيبي ماهي بالطول ولاهي باللحم ولا كان انفعت الثيران والبعارين ..


مكارم الاخلاق والشرف والكرم والشجاعه غير هذي ماكو شي .


يقولون يوم كان راكان يبي له مهره ودخلوه في حوش الامهار يقول خلـّوه يدورّ يدوّر ..

ويروح ويطقهم كل ماغضبله مهره صفقها يقول يوم صفق وحده واستحت قال هذي اصيله مايبي بحق نفسه بالمهونه ويصبر على جور الزمان وجننلك هذاك البليه يفر ويكر عليه يفر ويكر عليه وطيحه يوم غلبه قال العذر منك ياصبي شوف الفروسيه ..

ماقال ترا اليوم تالـّك من رقبتك ياملعون الوالدين ماقال هالكلام قال ( العذر منك ياصبي ترا دازيني ناس مقدر اخوّن واتجاوز فيهم ) يتعذر وهو غالبه لو نذل الله يكرمكم كان قال والله لدوس على راسك .

يقولون راكان جاله واحد عظيم الجثه اطول من راكان وراكان مو طويل ..وأنتو ماشالله الطول عندكم زايد مافيكم طول


قاله علمني الشجاعه قال شعلمك فالشجاعه فيدي او صبعي؟

قال في صبعك

قال طيب انا بعض صبعك وانت عض صبعي .. ويعض صبع الرجال ذاك وهو عض صبعه
هو يعضه وذا يعضه ..يوم صوا ذاك من الوجع .. قاله راكان :ليش تصوي ؟؟


قال اجعتني .. قال راكان: وانت ماواجعتني؟

انت بعد عاض صبعي مثل مانا عاض صبعك .

قال تبي تعرف الشجاعه قال اي قال هذي الشجاعه صبر انت موجعني مثل مانا ماجعك بس ماصبرت .


وراكان لو ما انتو عجمان هالشكل مايطلع ..

راكان شاخ على العجمان معا ان قوته الجسديه ضعيفه راكان شاخ على العجمان اكل قلوبهم بالشجاعه



&معركه الجهراء &


يسولفون يقولون سالم المبارك يعرض يوم الجهرا..


يقولون احنا اكثر عدد انغلبنا .. يقولون شلون هزمنا وحنا اكثر منه !؟؟

قال هزمكم انه شجاع .. الحرب شايله .. وهذا يعرض بسيفه قدام الناس

هذا انتو مثلـه .. ما اتردّون .. والله ياحبيبي ماتعرفون الردا ..طيبين شجعان اجاويد



&مواقف حدثت له فى وادى العجمان&


مره واحد .. يقول العجمان مايذبحون لخويهم ..ويفتن عليه !!
ومايمديه يكمل كلامه واحنا مارينّ من صوب ديوانية عجمان الا ذاك الصبي الجاهل
جاك يركض اقلطو اقلطو .. قلتله شوف شوف عيال العجمان شوف لو ماخذلك عجميه
يابو هويدي مايحاسب من حاسب ماهاش اما الي يقط عمره هذى الرياجيل امعشي العواسج
وغيره وغيره يشوف العواسج يحسبهم ضيوف ويذبحلهم ماقال هذا كفو ذبيحه ولا مو كفو ؟؟؟
ماشاف احد يشوف عوسج يحسبه رياجيل ضيوف .. يفرح بالضيوف .. والناس أتصدد عن الرياجيل .. الناس يتصددون عن الرياجيل يقعدون بروحهم عشان مايجيهم ضيف .
العجمان لا ... كان نخلهم يمشي وياهم ... العجمان لو عندهم نخل الدنيا كله كان فقروه وخلصوه بالكرم ..مالهم يخلصونه والله يزيده تاخذ من الجيب وياتيك مافي الغيب .
ذا احسب وذا وخر وكلن على قياسه لا ماينفع مايمشي وياهم ومن كذا حصلو هالمجد وهالكرم.


واذكر مره وحنا مارين على وادي العجمان ووقفنا عند محطة في منطقة الصرار ومعي ثلاثه من الربع نعبي سيارتنا بانزين ونلقا الولد اللي عمره يمكن 9 سنوات وسالته وش انت قال انا عجمي وسالني قال انت وش انت قلتله انا عجمي وقام الولد ويشوف ورا الا صاحبنا الثالث نايم ومنسدح وسالني الولد قال صاحبكم وش فيه قلتله هذا واحد حنا ذابحينه ونبي نحذفه باي مكان استغرب الولد وقال انت مو عجمي العجمي مايذبح خويه !!



& وجه الشبه&


اليابانيين السوموراي شنو عندهم ؟ السيشيدو قانونهم ..السيشيدو الفروسيه مالتهم..
الاوروبيين نايتود عندهم قانون..


اخذ اليابانيين وقانونهم مال الشرف والفروسيه الي اهو السيشيدو مال السوموراي.. واخذ القانون نايتود مال الانجليز والاوروبيين ...

ترجم هذا وترجم هذا تلقى العجمان مسوينه بدون لايقرونه

هذي السفاره اليابانيه مر عليهم وقول والله انا سمعت يقولون عندكم قانون اسمه السيشيدو حق الساموراي شنو مواريه هم موتونين حتى الله مايعرفونه روح عند اليابانيين وسولف سوالف راكان يحبونه ويحبون العجمان ليه ؟يحبون الشجاعه ويحبون الكرم.


&شاعر المليون&


ومع متعة الحديث اخذنا نتجـوّل في زوايا التاريخ وما يمتلكه هذا الرجل من معرفه ودرايه الى ان وصلنا معه الى رأيه في مسابقة شاعر المليون !؟

فما كان منه الا ان ترك الملحمه والمعركه وأخذ يتحدث عن فارسها .. واليكم ما قاله :

والنعم فيه الشاعر يمدحونه امدحه البعيد قبل القريب وارتفع الخليج كله بالقصيد ورفع الانسانيه بقصيده؟؟

وراح نحضر حفل تكريمه ان شاءالله.

وانا دزيتله برقيه بالمباركه والشكر حتى سمو الامير دزله بالشكر والتقدير على هالفوز هذا ولد بهالسن يبدع هالابداع عالخليج العربي كلبوه مو شي سهل ترا ابدا ابدا

















وفى الختام نتقدم بشكر الجزيل وعظيم الامتنان ...


للشيخ / صباح جابر العلى الصباح...


على موافقته فى عمل هذا اللقاء المميز ...