قالو علامك تسهر الليل وتنوح
وتنوح كنك مستصيب بفجيعه
قلت اتركوني يا اهل الدار بروح
للـــــــــي خــــــــذا قلبي وحرم يبيعه
عليه قلبي زايد(ن)هم وجروح
وعيني لذيذ النوم عيت تطيـــــــــــــعه
قالوا تصبر قلت ما اقوى على الفوح
كني على نار(ن) تزايد وليعـــــــه
قالوا تحمل واكتمه قلت با بوح
با بوح في علمه وللخلق اذيعــــــه
قالولي انسى وامسح اسمه عن اللوح
قلت اعذروني امرك ما استطيعه
يا ناس خلوني معه ادله الروح
حبه حكمني مثل حكم الشريعه
لاشفت زوله خاطري منه مشروح
اشوف في وجهه جمال الطبيعه
قالوا تعذره قلت غالي ومسموح
قالو ترى المجمول باع الوديعه
قلت الله يهنيه والحب مفضوح
بس المهم ذكراه تبقى رفيعه
قالو ترى ذكراه جسم(ن) بلا روح
قلت العوض يا ناس ولا القطيعه
وسلامتــــــــكم
الشاعر:محمد عبيد بن اطليب ال ذهيبان الشواوله
10-06-2005, 01:21 AM
العرض الشجري