.
ياراكب اللي يجيـب اللـي بطبلونـه=أفخم أنتاج العصر وأحـدث مديلاتـه
من نوع فكسار كامل وأبيض ٍ لونـه=من معرضه دوب طقوا فيـه لوحاتـه
منوة غريب ٍ تلـوى فـي دركسونـه=ناوي ٍ مع الخط يشرح لـه معاناتـه
قزاه همـه وعافـت نومـه عيونـه=يبيله علـوم وأبطـت عنـه ماجاتـه
واللي يجيـب الخبـر قفـل تليفونـه=حسب التقارير ماتاصـل مسجاتـه !
جلس يفكـر تقـول يحسـب ديونـه=ويراجـع الوقـت ويدقـق حساباتـه
بوصلة الأشواق تشّر يـم مضنونـه=وضغط الغلا , واصل ٍ لأعلا علاماتـه
شغل وكنه مايبغـا النـاس يوحونـه=من خوف عين الحسود وعين شماته
ليا عطا الخط , مايمشي على هونـه=الخط من سرعته تقصـف مساراتـه
ليا أستقام الطريـق أرخالـه متونـه=وليا أنعطف قام يفتل لـه عضلاتـه !
لا مر نقطه ليا العسكـر يعرفونـه ؟=فكسار , مأحد ٍ يرده دون مشهاتـه !
فوقه فدائي يبيله شـوف مزيونـه ؟=يزعل على العسكري لو يطلب أثباته !
أهل الهوى عندهم حـالات مجنونـه=وذكرت لي حالة ٍ من بعض حالاتـه
.
10-08-2010, 08:18 PM
العرض الشجري