الا ياوقت وش باقي تجيبه !!

[مشاري العجمـي]

السلام عليكم ..

صباحكم ورد,,


بسيطه اتمنى ان تنال اعجابكم

الا ياوقت وش باقي تجيبـه!!=لو اني عارف(ن) ماهي غريبـه
اعيش الوقت مير الوقت قاسي=ولا يرحم عزيز(ن) طر جيبـه
يطوف الليل ويجينـي نهـاري=ويجيب امن المصايب لي مصيبه
وارحب بالمصايب في ضلوعي=ولا ارضا بطعمـش يالغليبـه
انا والدمع من يومـي صغيّـر=صحيب(ن) مايداني في صحيبه
يسيل الدمع فوق الخد ويجـف=ولا ألقى من قلوب(ن) قريبـه
تقول مشاري فضفض يامشاري=ولا تبكي من جروح(ن) عطيبه
تقاسمنـي همومـي بالنصيفـه=واعنّزها على عقول(ن) لبيبـه
تراني شاعر(ن) كلّي مشاعـر=واحذْف الدلو وافكاري قليبه
واسوق القاف لين القاف ينزف=ويقول انته مثل شاعر عتيبـه
تصوم امن القوافي لك ليالـي=وتجيب الي يبكي كـل شيبـه
سلام الله على جرح(ن) تمكّـن=على مشاري ولا ينفع طبيبـه
وانا مالي سـوا ربـي ودينـي=وانا داخل عليه وألتجـي بـه
يفرجها على عبـد(ن) همومـه=تهد جبـال والدنيـا صعيبـه
ابختم قاف(ن) يثير التعجّـب=الا ياوقت وش باقي تجيبـه!!