صر شيعي لحالك وحنا بريئين..يابن الذيب

[لزاز]

[color="blue"]

الحمدلله والصلاة والسلام على رسول الله وبعد:

إن من المعلوم في الشريعة مناصحة المخطي سرا إذا كان خطأه لم يظهر للناس وأما إذا ظهر خطأه وشاع بين الناس وجب الرد عليه جهرأ ورد باطله وايضا يجب عليه أن يعلن توبته من الخطأ كما أعلن خطأه , وبناءاً على هذا فإني أطلب من محبين الشاعر الشهير محمد بن الذيب والمقربين منه ومن لهم حظوة عنده أن ينصحوه ويشدوا عليه ليتراجع عن أخطاءه العظيمة في قصائده مثل( إطلاق لفظ النبوة على أشخاص,والإستهانة بتقوى عمر رضي الله عنه, وطهر مريم عليها السلام, ومدح المكرمي الإسماعيلي , ومدحه للمدعوا نصر الله وحزبه الهالك) وغيرها مما لايحضرني.

وأنا هنا أطرح لكم قصيدته في المدعوا نصر الله الهالك وحزبه المتهالك ورد الشاعر صالح اليحيى عليه:[/color]

قصيدة محمد بن الذيب:

المشكله ماهي قضية فلسطين= المشكله لبنان راحت وراها
البيت هذا في ضميري من سنين=يطرق على مسامعي ويتناهى
من كثر ماشفنا من الذل بالعين= لو تمرض العينين قلنا عساها
والله مافيها بعد واحد اثنين=يما حياة العز ولا بلاها
ان كان مانسمع بوسط الميادين=تكبيرة ياصل لبوش صداها
لكن نصر الله حسن يامساكين= اروى الكبود اللي ذبحها ضماها
وليد جنبلاط قد له سنتين=لس له بضد الحرب ولا معاها
مبسط مابين خضر البساتين=يجامل امريكا ويكسب رضاها
ياآخي مدامك ماتبي تقول آمين=لاتعزج العالم وتقطع دعاها
الحرب اصلا من قبل عصر رابين=لاتقول حزب الله هو اللي بداها
ودامك ماشا الله فاهم فا القوانين=قل لأوزر امريكا لجيتو زراها
فرعون مايعبده غير الفراعين=لاتنتقد الاشخاص حسب انتماها
تمدهم ايران او سوريا زين =يهود تل ابيب من اللي عطاها
اصحابك الغر الكرام الميامين = اللي على الاسلام دارت رحاها
ولبنان ماهي صوت فيروز والتين =ولا ردوف اللي ماشا الله علاها
لبنان تاريخ العروبه من سنين=مسيحها والسنه وشيعاها
من صيّف بلبنان قدام شهرين=ساعة ماجات الحرب راح ونساها
مشاعر الشيعه مع السنه الدين=مادانها المسيح واللي سواها
والناس منقسمين في الصوت قسمين =قسم مايبغاها وقسم بغاها
ولمقاومه حق وشرع حقها الدين=والناس من دون ارضها او سماها
حنّا مع الشيعه ترانا شيعيين=اهل المعزه كل ابونا فداها
من قبل عام الفين ومن بعد الالفين=ماحرر الجنوب الا دماها
عيتا ومارون الراس للحين للحين=وهي اتفاخر والعديسه اتباهى
وميس الجبل صوّت على الطيبه ابزين=قولي لكفر كلا لاتخشى عادها
ولو شفت بنت جبيل يانصر حطين=انصار اصحابك كأنك تراها
ونصر جبل عامل وامجاد شيحين=ولواء غالوني دفن في ثراها
وكل الطوايف من غلاها مضامين=قلوبهم متوحده من غلاها
تتبجح اسرائيل على هل جنين=وعلى عرب غزه بكثرة دهاها
وتقول حن مليون وانتوا ملايين=وفي ستة ايام العرب من كواها
ولمقاومه في شهر وآخره لثنين=الله نصرها لانه اللي اصطفاها
لبنان لو نبعد ترانا قريبين =اقرب من اشناب الرجال الل لحاها
بالمال والاحساس ولا الله يعين=لانك ارض الكرامه وثراها

الرد قصيدة صالح اليحيى:

المشكلة فعـلآ قضيـة فلسطيـن=وش عاد لو لبنان راحـت وراهـا
البيت هذا في خيالي مـن شويـن=يسـأل ورا عقليتـك وش بلاهـا
يامحمد ابن الذيب ياواسـع العيـن=نفسك سخاها فوق طاقـة عطاهـا
كثر الذبايح فـي كبـار المواعيـن=مايمشي بفكـر السياسـة واذاهـا
عندك حمية بس ويـن المضاميـن=زود انفعالك والغضب وش وراهـا
وفر كرمـك وفزعتـك للقريبيـن=واترك حسن للضاحيـة وقصراهـا
دامه تمرجل واختطف منهم اثنيـن=واللعبـة انكشفـت قبـل مبتداهـا
خله يسدد كـاش ماينفـع الديـن=أصلآ مهو قـد اليهـود ودهاهـا
قدم لهم خدمـة وهـم مستفيديـن=لو هو يهـودي مثلهـم ماقواهـا
عطى بدال الضوء الاخضر خضارين=قال اذبحوا شيبانهـا مـع نساهـا
أروى كبود الأغبيـاء والمجانيـن=بالصوت واللجـة وتالـي غباهـا
واطي وابن نكبة وشيعتـه واطيـن=صفوا مع امتنا وهم مـن عداهـا
المسرحيـة بايـنـة بالعنـاويـن=خلف الكواليـس اليهـود تحماهـا
ليش اليهود اغتالوا الشيخ ياسيـن=والرافضي صاحبك حـي بحماهـا
دور ورا الشيعة خيانـات ويبيـن=تاريخهـا لاكــرم الله لحـاهـا
إن صرت شيعي ودي اطلبك ثنتيـن=قبـل القصيـدة ينحـدر مستواهـا
صر شيعي لحالك وحنـا بريئيـن=من حربك اللي مبتلش في لواهـا
واغسل عروبتك الغبية من الطيـن=وامسح نحرها واجتهد فـي قفاهـا
الحرب في لبنان ماهـي بعاريـن=ولا جمـوس مرهمـات وغثاهـا
تفتي لنا ذا زين وفـلان ذا شيـن=وتناصر الشيعة وتخطـب رضاهـا
وتضمنا بصوتـك لهـم بالمياديـن=على عماها ،، مانقصنـا عماهـا
العلمنة فصل السياسة عن الديـن=والظاهر انك فاهـم(ن) محتواهـا
يعني بلاش من الشعارات ياشيـن=لاصـارت اللعبـة تعـدت مداهـا
رايـك يخصـك لا تعـم الملاييـن=من أمـة السنـة وتعلـن خزاهـا
إفهم وش اللي يدور حولك وبعدين=لامن فهمت اكتب علـى مستواهـا
ماهو جديد انا نصيـر مهزومين=والقدس عكر حرق الاقصى سماها
إن كان عزتنا بحـزب الشياطيـن=نبقى وقـل لـه عزتـه مانباهـا
المشكلة ماتـت قضيـة فلسطيـن=من صارت الملح وقصايدك ماهـا

أقول : لافض فوك وخاب شانؤك يا صالح اليحيى
وإن كان يربطنا بمحمد صلة ورحما فوالله وبالله وتالله إن الحق أحب الينا منه

وليعلم الجميع أن إيرادي للرد على قصيدة أخونا محمد, من باب قول النبي صلى الله عليه وسلم ( أنصر أخاك ظالماً أو مظلوما).
وأوصي الجميع بتقوى الله في أنفسهم قبل كتابة حرفٍ واحد وأن ينتصرو للحق لا للأشخاص , رزقني الله وإياكم الاخلاص.