ديرة ابو متعب وابو خالد وديرة ناااااااااااايف

[معيض بن شملان]

اليوم هذا نايف ٍ في ديرة النوايف
وسط الصدور وداخل ضلوع الحشا النحايف ..


استبشري يادار في يومش وقومي اعتزي
امن الجنوب الى الشمال وشرق لين الطايف ..


مادام حكامش هل العوجا وحنا شعبش
والله مايلحقش لاضيم ٍ ولا حسايف ..


حنا هل الخفجي وحنا كل شبر ٍ منها
وحنا جبل دخان يالغاوي وش انته شايف؟


ناقف مثل وقفة معزي يومه يوحدها
بالعزم والحق المنير وضربة الرهايف ..


والديره اللي في علمها لا اله الا الله
كفو ٍ لنصرة دينه وللعدل وأمن الخايف ..


والله مايدعس عداها حدها مادامت
ديرة ابو متعب وابو خالد وديرة نايف ..













.