الــســلام عــليكـمـ ورحمة الله وبـــركــاتــهــ
لاتذكرني بحبـك تزيـد الظيـق ظيـق
وش بقا لاصرت ناوي تفارق وش بقـا
خلني انساك وانسى الصداقه والصديـق
واذكر اني قد عشقتك على وضح النقـا
ليت مالي قلب طيب يشل مـالا يطيـق
كان انا والهم ذا الليل ماحـن باصدقـا
هو رفيقي كل مااقفيت جعل امحق رفيق
حدني صدك على اللـي رفاقتـه محقـا
شفني كل ليله امسك من الظيقه طريـق
بين هم وغم وليـل وهواجيـس وشقـا
لين اعدي مرقبن يشرح الخاطر واويق
واظهر اللي بيني وبيـن نفسـي اتقـا
اصفق الكفين واجذب تنهـادن عميـق
يوم ظاعت هقوة القلب يوم انـه هقـا
وش بقا من كثر ماقلتها لك جف ريـق
سين ياحظن عثـر مالقـى ليلـة لقـى
الصدر غبة حزن مير بلعومـي مظيـق
كل ما اهنا قطعه سيل صـدري لاسقـا
والله ان لي قلب واسع ولي وجهن طليق
لين مافارقتنـي وقمـت اردد وش بقـا
22-03-2011, 02:17 AM
العرض الشجري