إبتسامة حظ

[ااطلالل البيلسان]

أحس إني بهالدنيا شجر واقف وفيه ظلال=ولا منه بدى يثمر تجي ناسي وتقطفني
وإذا مرت بي أيامي وغصني من العواصف مال=تساقط مني أوراقي وناسي تمر مسقتني
ألا يا هالزمن وش بك ألا ياقلب وش هالحال=تذوق مرك الطيب وحلو الوقت يكسرني
وأنا يا صبر مليتك ويكفيني ثقل لحمال=ولابه منهو يقدر ولابه ناس واستني
لقيت إن البشر كذبة وصدق الحب فيها قلال= وأنا صادق مع نفسي قبل منت تصدقني
وأنا أوعدك يا جرحي لضمد نزفك القتال=وتبقى درس بكتابي ينور مايتوهني
وأنا أوعدك يا دمعة لشيل من العيون الشال=وخلي البدر يضحك لك ونجماته تغازلني
وأنا أوعدك يا قلبي لقيد آسرك بأغلال=تزين جيده ومعصم نوى في يوم يخنقني
وأنا أوعدك يا دنيا أسطر في عقول أطفال=معاني حب عملاقة ولو ماتت تعيشني
واظل بعالمي شامخ ويبقى الحب لامازال= يقوي عرقي الضامي وعلى العالم يسيدني
وأنا أوعدك ياوقتي لبدل نشرة الأحوال=وكسر موجك الطافي ولا إنك يوم تغرقني
وذوقك الوفا حالي من شفاه القراح زلال=وعلم للبخيل إن الخيانة ماتناسبني
ودرس صمتك الآسر ياكيف يشدني بوصال=ياكيف إن إبتسامة حظ في ميناي رستني

************آراؤكم تهمني والإختلاف لايفسد الود**************