. . . . شَامخَه شيخَة عَرب مِتعاليَة حسّاسَة ~

[سـمـآويـه]

بيني وبينه لو تقولون خلّاك
عشرة عمر ماهزّها هرج تافه

لو تنشدونه من ورا الحب وش جاك
كان امتلت عينه بدمع اعترافه

هذا حبيبي لو يدورن الأفلاك
وأنا ربيعه لو يخونه جفافه

ان سولفوا بي صد ذولا وذولاك
خلّا هروج أهل النميمة خلافه

دايم مساعدني على درب الأشواك
وأنا كفيته عن دروب الحسافة

الله عطاه من الغلا فوق الإدراك
والله عطاني منه صدق التفافه

قالوا : تحريته وهو ماتحرّاك
قلت : احتراني لين مالعمر طافه

قالوا : شطب رقمك على شان ينساك
قلت : اكتفيت بضيقته يوم شافه

ياصاحبي لافاح صدري بطرياك
اشعلت لك بحر القصيد وضفافه

ماني مصدّقها معاذير فرقاك
قصة فراقك شي مثل الخرافة