خلوني امدح راعي الطيب والجود

[قلبي معاهم]

هذي القصيده مدح في اخي العزيز الرائد سعد مشبب الجلال السهلي

خلوني امدح راعي الطيب والجود=سعد صبي المرجله والشكاله
بالطيب طيب ياعرب ماله حدود=كل ن على ذكره يجي ويعناله
فالمرجله بين المخاليق مشهود=يتعب على العليا وفعل الجماله
انشهد انه دايم الدوم في زود=ماغيّر طبوعه ولاضاق باله
مستارث علوم المراجل من العود=مشبب الجلال لاجاء مجاله
مشبب اللي لاحتما الوقت موجود=ماشح في جاهه وحاله وماله
يعرف بفزعاته ولاعنده صدود=كريم سبلا وافين بالجزاله
له مجلسن فيه الشحم وازرق العود=والبن الاشقر ماتبند إدلاله
مثل السحاب اللي له بروق وارعود=علي البلد غيثه جنوب وشماله
من لابتن والله صناديد وافهود=تاطى على راعي القسا والنذاله
لاجا نهارن فيه شلفا وبارود=بعد عن سهول الظفر والاصاله
عدوهم من ضربهم راح مفقود=لاولع البارود وزاد اشتعاله
تاريخهم حافل ولاعنه منشود =بيّن مثل نو ن تكاشف خياله
وختامها صلّو عدد هبت النود=على الرسول اللي سعي بالرساله