الخيانة

[محمد ضرمان الشولاني]

مساكم وصبحكم الله بالخير

الخيانة ذنب والصده عذاب=والتجاهل جرم في حق الوفا

والنبيه اللي خذا منها وتاب=والحظيظ اللي كِشف له ما خفا

اتعب الضميان طرده للسراب=لا روى جوفه محاصيله جفا

لا كفيف ٍ نرتجي منه ثواب=مير قدّا به خفوقه ثم هفا

وش يفيد الهرج في ظل العتاب=وش يداوي جرح ما حوله شفا

وش يصبرنا على عتم الغياب=والسراج اللي يقدينا طفا

آه يا قلبٍ عشق خله وذاب=واسكنه بين المحاني ما نفا

والحصيله كفّ مليانه تراب= سفّه إعصار الخيانه ثم سفا

وسلامتكم’’’