ܔْށبنت الوزيرهـܔْށ

[الـفهد آهات]

ܔْށبنت الوزيرهـܔْށ

خبروا ذيك العيون المستديرهـ
النفوس الطيبه تلحق صداها
/
لاتقولين الوزير ولا وزيرهـ
كل نفس ٍ بالعطا ربك عطاها
/
الزمن يابنت خالد له مسيرهـ
خطها المحروم بدموع ٍ قراها
/
منهج الآهات وآهاته محيرهـ
ماعرفنا كيف ندرس محتواها
/
بين نجد العامره وارض الأميرهـ
والكويت الشامخه باللي بناها
/
احـكم الأيام واهد النظيرهـ
وانشر الكلمات والقاري قراها
/
ما اقول اني ولد صقر الجزيرهـ
الـتـواضع عادة ٍ قلبي شراها
/
والغزل بيت الهواوي مع مصيرهـ
سعد من هـد الجميله واحتواها
/
شفتها في سوق راكان الفجيرهـ
فـتـنـه الله تـتـرك آثـار ٍ وراهــا
/
تمشي بهيبه وخطوات ٍ خطيرهـ
والـجمـال الآخـذي يمشي معاهـا
/
كل بنت ٍ من حلاها مستغيرهـ
ساحره والسحـر عـز ٍ اكتساهـا
/
رائعه بل مذهله بل مستعيرهـ
من زهور الحب ازهار بشذاها
/
قالت اصبر والي مثلك نستشيرهـ
فـي امـور ٍ سـابـقـه نتبع خـطاهـا
/
قلت انا لك والعطا ارضه مطيرهـ
اطلبي والروح لك ترخص غلاها
/
قالت اسمع يالفهد ويش الدبيرهـ
فـي قـلـوب ٍ مـاتـحقــق مـبتغاهـا
/
اسمع علومي ترى النفس الآسيرهـ
تـنتظـر بـسمـه تـغطـي مـبتـلاهـــا
/
يالفهد حب ٍ مضى منه جهيرهـ
صابني بالغدر وسهوم ٍ رمـاهـا
/
سهمه الخاين على صدري نحيرهـ
اتــألــم واتــوجــع مـــن بــلاهــا
/
عـقـبهـا قـالـت بـدمـعـات ٍ نـثيـرهـ
سامح الله من رمى نفسي وكواهـا
/
قمت اطالعها لفترات ٍ قصيرهـ
واتأمل في سما روحي وسماها
/
قلت دولاب الزمن كلن يديرهـ
اصغر العشاق يكذب ويتباهـا
/
واكذب العشاق يلعب بالوتيرهـ
ياخذ قلوب الحبايب مـاعـطـاها
/
والحزن والشوق نيرانه سعيرهـ
والخيانه مـاعـرفـنـا وش دواهـا
/
والعنا مايدخل النفس الكبيرهـ
والشقا يعطي من الدنيا شقاها
/
يامنيرهـ بالوفا روحي منيرهـ
اسمعي كلمات قلبي في مداها
/
يالأمير وياشيوخ وياعشيرهـ
اعذروني قـد تـعلقت بـهـواهــا
/
واتركوني اجبر النفس الكسيرهـ
واسمحولي اطلق النفس وعناها
/
دام روحي له ولأطباعه قديرهـ
فالفهد روحه على الهيبه رباها
/
والهنوف الي لها مجد ٍ وسيرهـ
الحبيبه والعـزيـزهـ فـي نـداهـــا
/
علقتني واتركتني بألف خيرهـ
جـعـل دار الـخـلد يـاربي ثواها
/
الفرح يجلي الهموم المستقيرهـ
والشموس الساطعه محلا سناها
/
والشتاء والليل والعين السهيرهـ
بين صمت الليل وآمــال نبـاهـــا
/
فأخبوا ذيك العيون المستديرهـ
كل نفس ٍ بالعطا ربك عطاها

وسلامتكم


شعر/
الفهد آهات