ارخت هدبها

[عمهوج]

السلام عليكم ورحمة الله وبركاته

هذه قصيده لشاعر : عبدالعزيز مبارك الرشيدي

وانشاء الله تعجبكم

=================

ارخت هدبها وارتخت هامت الليل
يوم احتضن كــفي تفاصيل يـدها

روعة تفاصيله وياهي تفاصيل
اعــدها واخطي واضيع عددها

ضميت يـدها لليال المقابيل
بردان انا ياجمرها يا بردها

اسرق دفـاي وما تزين التعاليل
الا على جـال الشفق في شهدها

لا ياشهد وش جاب دجله على النيل
لايــاســاحــبه بـرقـها مــع رعدها

لا لاح بـرق ورمش عينه مضاليل
لا تنشدون الشمس منهو وئدها

كانت معي .. صار اللقا بالتساهيل
وراحت وكـن القلب ماقـد وجـدهـا

اقفت وخلتني وما من محاصيل
الا العطش وبيـارها مـن وردهـا

انا بـدوي وراس ماله تماثيل
اطلال لا منه تضايق نشدها

لاجفت القيعان شلت المواويل
وسقت المطايا لين يظهر زبدها

انا ونوقي نتبع الوسم ونحيل
نسري ورى بـرق الحيـا في بلدها

نقطع جراهيد بي شوفت السيل
فحًـوى الأمل لعل يصدق وعدها

اجمع زهابي و الحطب والمعاميل
وبيت الشعر والخيمه انهض عمدها

اشب ضـوي واطبخ البن والهيل
في دلةٍ صفرا ونفسي سعدها

دله.. ونار.. وفــًذتين.. وفناجيل
تسوى حياة اللي حياته عبدها

الا ياكـود مواجهة نافل الجيل
في ذمتي تسوى الحياة ورغدها

لا شفتها انسى العنا والغرابيل
وانسى همومي والحياة ونكدها

على لقاها اعدل الحظ ويميل
لابوك حظ الموت نفسي هجدها

اللي بوجنتها تشع القناديل
اخت القمر لاقبلها ولا بعدها

لا ارخت هدبها ترتخي هامت الليل
وانا التفت.. وعيني الله قردهــــا

=====================

وســــلامتكم

تحياتي

عمهــــــوج