كلنا الفلوجه .!!!!

[قرقاص]

بسم الله الرحمن الرحيم




قصيده جميله جداً تستحق القراءه لشاعر لا أعرف عنه سوى أنه ينتمي إلى قبيلة (آل مره) الكريمه .. آمل أن تنال إعجابكم ..

الإهداء إلى أبطالنا الأفذاذ في العراق .!!!!

بين حلم الله وحظٍ ما تضيق فجوجه=وبين جلاّد الزمن ومجالدة كرباجه
شوف هاذيك الديار العامره مسهوجه=سلم لايمكن تخيّل فكرته وإنتاجه
وشوف بنتٍ طالما عاشت وهي مبهوجه=وأصبحت تبكي وهي خلف العدو و سياجه
كفكفي .. وش جمّع الدمعات والتغنوجه ؟=جعل يفدى دمعك الخراجه الولاجه
وطوّحي بالصوت قبل الموت يا عمهوجه=يمكن يلامس ضمير اللي يفذ حجاجه
نخوة الرجل العزيز اللي يكن هروجه=أخسئوا يا بايعين الحكي يا الهراجه
راس ماله قطعتين من الكفن منسوجه=والثمن بشّر به اللي ثابتٍ معراجه
وعلّميه أن الحصان اللي تطيح سروجه=ينذر أن الفارس المغوار طفي سراجه
وعلّمي من كان له أم وخوات وزوجه=عن فتاةٍ ساقها الجزار ضمن انعاجه
وعلّمي من جاته التخمه من أكل الكوجه=عن صغيرٍ مات من جراء نقص علاجه .!
وعلّمي من كان همه في بناء بروجه=علّميه أن هم هاذاك السجين افراجه
وعلّمي من يبكي المأساه عبر الموجه=علّميه أن الشهادة تضحيه ومواجه
وأفتدي بالنصر ولاّ ردديه أهذوجه=لاتهمك فتنة المرجف ولا لجلاجه
دام في الفلوجه رجالٍ تذيب ثلوجه=يزهق الباطل وبأمر الله يزيد إحراجه
الرجال إللي لهم جولة كفاح ودوجه=جعل تفدها نفوسٍ في الخلا دواجه
النفوس اللي مبادئها غدت ممزوجه=عشقها للصمت عشق الطفل لــ الدراجه .!
يا (جدار الصمت) هات الكلمه الممجوجه=لجل ماء الوجه قل بفعل وأسوي حاجه
أكذب وعطنا أمل خل العذر و حجوجه=العذر ما يقنع المحتاج والمحتاجه
وكان في ضنك جدار الظلم محد يموجه=حايطٍ يقدر يهده من يهد أبراجه .!!
كلنا ياسين أيضاً وكلنا الفلوجه=لعلن ابو رجلٍ هجر ولاّ جهل منهاجه
كان ما قمنا على غم الزمن وعلوجه=أه يا عزٍ تقفى والرياح أدراجه
و أه يا شين الزمان اللي نعيش اوعوجه=كان ما قمنا بدحر المعتدي واخراجه
فأن غفلنا عن مراد الغازي ومدروجه=ولعت من حد جاكرتا إلى قرطاجه .!

والله من وراء القصد ...










أخيكم






قرقاص