ياشين حب ٍ تهيـّا واصبح بعدها سراب = واضميت عمرك عشانه طامع على شرب ماه
والشمس حامي لهبها والجو مابه سحاب = في ممحل القاع طايح مابين موت وحياه
يلعن هوا من هويته اللي به الظن خاب = ياليتني بالمحبه ماعشت يوم ٍ معاه
جاني ويشكي حياته اللي ملاها العذاب = ومديت انا له يميني بخلّصه من شقاه
قلت اعتبر جرح قلبك اللي من القوت 0 طاب = وداء ٍ شكيته تطمـّن يازين عندي دواه
واثر النذل طول عمره نذل ٍ يحب الخراب = حتى طبيبه غدر به يبغي يبيـّح خفاه
يالعنبوا جد جده ممداه خف الصواب = توّه على دوب دوبه مازان ممشا خطاه
الا ونابه عليّه يلمع تقل ناب داب = والله وقا بسمّ نابه حالي عساه العماه
من فعلته ماحسبنا بالبال أيّة حساب = واكبر غلط يوم كفـّي اسقا لمثله ظماه
شرواه مايملي اعيونه سواة التراب = وياتابع الحب حذرا باللي تلف العباه
لاشك هذا من الله مكتوب لي بالكتاب = آمنتبه ربي اللي من فوق سابع سماه
وسلامتكم
الشاعر / سعود رتيبان الجويّر
العرض الشجري