:+: وش حـــــل فيــك يـا بـــــوي :+:

[! سيد العذاري !]

السلام عليكم وارحمه الله وبركاته

رمضان الي طاف كنت احس بيكون غير هالسنه
مدري بس كنت فرحانه ومستانسه فاول ليله منه يمكن لانه
خوي بيرمض وبعيد ويانا هالسنه وهو صارله كمن سنه ما عيد ويانا ..
اول مجرد شعور بفرحه رمضان .. بس تجري الرياح بما لا تشتهي السفن ..
الوالد تعب علينا وسفروه .. فما كان مني الا ان انزف هذه الابيات
لعلها تعبر عن غلاته بقلبي .. مع تمنياتي له بالشفاء العاجل

واي انتقاد اتقبله برحابة صدر.. ترانيه مهب شاعره لا غير هواويه شعر ^^


وش حل فيك يا بــوي يا ذيب معتلي المشاريف نايف
وش صار لعودك انهد حيله وانعثـر يا وسيــع البنـايد

لا تقول أنا بخير ما اشكي باس ترى كلن عليك شايف
هـات خبرك وهـات حزنـك وان كان هــم (ن) تــزايد

هاتها كل همومك ادفنها فصدري وارضفها رضايف
ولا تحـاتـي ضـلـوعي بعدهــن شـامخات و شــدايـد

بس علمني وقول كل الي فخاطرك ولو كانن خفايف
حــالك تـرى يكـدرني ومبسمـك لي كنه العـيد عـايد

قـول الـي مغبنـه وابشـر بعـزك ولا عليـه كـلايف
يـا تـاج فخـر القـبيــلة يا عـزوتي و يا كـل العضـايد

دخيـلك لاتردني ترى همومك ع روحي من لـولايف
هاتها كلها فذمتي لافتخربها واعلقهاع صدري قلايد

بس اشوف الفرح فعيونك ما يبتعد وحالف لك حلايف
ومبسـك دوم ضاحـك والاحـزان تقفـى عنـك شـرايد

ويالله اترد بسلامه ترى كل ضلعن فيني عليك خايف
ويعـل ربيه يشفيك يا منبـع الطيب يا سـاس القصايد

وســـــــــــوالم