بسم الكريم اللي خلق كـل ماكـان=من هاجسـاً مايطلـع الا بجزالـه
اببتدي والصدق معنـى وبرهـان=ياللي تجيبون الشعـر بـاي حالـه
الشعر له وقفه وموضوع ولسـان=والمـدح للـي يكسبـون الجمالـه
ماقلتها من شـان عـلان وفـلان=ماغير نايف بـس نايـف لحالـه
أن عودت لسيـف هـذا كحيـلان=وأن عودت لطيب رمـز وشكالـه
من لابةً تكتب على المجد عنـوان=((معنى الكرم والعز واهل الرساله))
ويكفيك عبدالله ويكفيـك سلطـان=أخوان نـوره سجلـو كـل طالـه
عبدالعزيز ارث رجاجيـل شجعـان=مامات والله مـن هـذولا عيالـه
ياسيدي ياصاحب الامـر والشـان=فيكم كتبت الشعر وافـي خصالـه
والله مايكفيـك مليـون ديــوان=ولو اعطي الجن المسمـى وكالـه
يعجز عن التعبير الأنـس والجـان=أنتم كرمكـم فـوق كـل استحالـه
وحنا لكم سمعٍ وطاعـه وفرسـان=نحمي جنوب الدار لآخـر شمالـه
ياسيـدي ماقلتهـا غيـر شفقـان=وأنتم هل الطولات وأهـل البسالـه
فعلك مع الوالد على القلب نيشـان=خوّه وفزعـه واحتـرام وزمالـه
لاهان راسٍ يملك الطيـب لاهـان=والله لشلع مـن شماغـي عقالـه
والمعذره لاششت مانـي بغلطـان=غلطان من لاشاش وانتـه قبالـه
منقوله للشاعر فلاح بن فهيد العجمي
العرض الشجري