غيدا سعد واريام والبولند

[تايه الغربه]

ياباهي الاوصاف وقف واسمع ابن مقيدان
أنا دخيل عيونك الحور وهدبها اللي صفيف
أنا دخيلك لاتزوُد لي غرابيل الزمان
مابي كفاني ماتشوف الحال ياخلي نحيف
تسري بي أفكاري هيامٍ فيك ياسيد الزيان
أنسا وجودي خلف بيبانٍ وقفلٍ له صريف
وآفز أباآضمك على صدرٍ ملاه إلك الحنان
وملاه حبٍ صافيٍ من كل عذروبٍ نظيف
ويوم آتلفت لك مشفت إلاَ محلات الهوان
وضاقت بي الدنيا وجرحٍ منك جا ينزف نزيف
يابنت قومٍ خصمهم عشره تعوِد لي ثمان
اللابة العيالة اللي تلطم الشره الحفيف
اللي سلفهم يكرمون الضيف بالكوم السمان
ياسعد أهل هجنٍ ضمور وبيتهم صار المضيف
رديت لك راسي وانا لي شيمة وقدرٍ وشان
وروس العرب لجواد مانسيو عن السلم الشريف
يقدرون اللي لهم ماضي ولآباهم مكان
يوم إن زمان اليسر ساوا بين مشبوه ووزيف
ياللي تهصر بالقوام اللي يشابه عود بان
إليا سقاه الوبل لي همَل من أمزان الخريف
ذاك القوام اللي تثنا ناعمٍ غضٍ ليان
وذيك النهود النابيات اللي لها ملمس رهيف
وذيك الثمان اللي صفيفٍ لااختلاف ولا طمان
أحلا بياض من البرد لي هل من رايح قنيف
غيدا سعد واريام والبولند والخود الغوان
جنبك ترا مااحسب لهم وزنٍ ثقيل ولا خفيف
وصفك بديعٍ لو نفد كل الكلام من اللسان
مااوفاك حقك نادرٍ بين البشر مالك وصيف
ياليت ترحمني وتسمح تبرد الجاش الضمان
اللي لهيب النار منِك صار فيه إلها رجيف
ياباهي الاوصاف وقف واسمع ابن مقيدان
أنا دخيل عيونك الحور وهدبها اللي صفيف

لــ الشاعر .. أبــن مقيدان