اكـذب ترى كـذب الرجل ما عابه !!!

[عـزام]

السلام عليكم ورحمة الله وبركاته

قصيدة للشاعر حسن العرجانى واتمنى ان تنال اعجابكم.

اكذب ترى كذب الرجل ما عابـه = حـرام تصـدق والبشـر كذابـه

الكذب ملحٍ للرجـال ومخـرج !! = ما يصدق مْن الناس غير ازلابـه

في ذا الزمن لا زم اتسلك روحك = خلك علـى ماقـل ذيـب ذيابـه

واذا انكشفت ازعل وكثّر حلفـك = بالله وبعيالـك وباغلـى الـلابـه

واحرص يطوفك مجلس اللي نمّوا = واشذب مع اللي لا حكوا شذّابـه

واحذر تجي بين القرايب مصلـح = خلك بعيـد مْـن الغثـا واسبابـه

تصلح بعـد والاّ عساهـا تخْـرب = مالـك ومـال الملعبـه والطّابـه

واضرب مع اللي شذ منهم صحبه = واضغط على المفتـوق بالسبابـه

0
0
0
0
0

هذا شعار اهل العقول اللـي لـك = على تكانتها. وانا ما رضـى بـه

صحيـح خـلاّق الخلايـق فـرّق = يومه خلـق. والنـاس ماتتشابـه

فيهم صـدوق ومحتـرم وسنافـي = عمّـا سلـف متـنـزّهٍ جنـابـه

كل العلـوم الطيبـه مـن طبعـه = كريـم سبـلا لـو طلبـت ثيابـه

زودٍ علـى فعلـه لسانـه عانـه = علـى جميـل الهرجـه الجذابـه

لا من كثر هذر المجالس يسكـت = مـا لاحـن الهرّاجـه النصابـه

هـذاك لاقبـل كـل قـرمٍ طيـب = قلبـه سبـق السانـه بترحـابـه

والاّ الكـذوب العيفـه المتشكـك = لامرحبـا لاقـبـل ولا حيّـابـه

مايفقـده لاغـاب غيـر الزوجـه = يمكن بعـد لاقفـى تقـل ذهابـه

ضيّع دروب المرجله من بـدري = لو شـاب طبعـه يغلبـه شبابـه

دونٍ دواديّـــه كثيـره.هـمـه = ودى الحكي من بعد ما هو جابـه

مايصـدق الاّ لارقـد وحلـومـه = الله واعـلـم كلـهـا كـذابــه

والمشكلـه لا مـن تبيّـن كذبـه = روّغ مثل روغ الثعل في الغابـه

وان جبت له برهان تمتـم قايـل := عادي ترى كذب الرجل ما عابه!!!


وسـلامـتـكــم جـمــيــع


تحيــاتى:

الولهــــــــــان