مرثية محمد بن راشد بن الذيب في صدى الحرمان

[ابو راكان *]

وسر يا ليل وانته ليل وحسابك على السهــــــــران=أعلمك .. الحياه .. ومرحلتها الإنسيابيــــــــــــة
على وجه البسيطة..أفرق الماضي من المليــــــان=وأغني لي ببيت وتنتحر.. عشرين حوريـــــــــة
وبعد هبّت على خشمي هبايب موسم الأحــــــــزان=تنحرت القصيد..اللي تبكّيني معانيّــــــــــــــــــــه
أنا عز الله إني..ما نسيتك يا صدى الحرمـــــــــــان=لو إن مابه علاقة غير حب الخي للخيـــــــــــة
تجمّعنا مساحات الأدب..والحزن والقيفـــــــــــــــان=وتربطنا تقاليد العرب..والشيمه الحيــــــــــــــة
كثر ما الهم في قلبك..ديون مالها ديــــــــــــــــــّـان=أحس الكون في عينك..حكومة دكتاتوريــــــــة
أشوف إن في قصيدك سلطة الحاكم على الرعيان=ولو تزعل..حركات التذمر الانفصاليــــــــــــــة
أنا لي بنت فكر من وصلها علمك مسيّـــــــــــــــان=وطاها ما وطى قلب اليتيم فــ أمه وبيّـــــــــــه
لو أن ما يرهب الشجعان..لا من فرّوا الشجعــــان=سوى صهلة خيول القوم ودموع السنافيّـــــة
أي والله ببكي وبنثر دموع المعرفة من شــــــــــان=تعابير الغلا..والقلب الأبيض..والمحنيّـــــــــة
وأنا لولا الأحاسيس النظاف وصادق الوجــــــــدان=نحرت خيول دمعي..قبل تاطىء..جفن عينيــة
لو إن ما أنتي بعجمية تعازيها على العجمـــــــــان=لكنك في عيوني..أقرب من الفين عجميـــــــة
لو إن ما أنتي صحابية لها بين الصحابة شـــــــان=لكن عندك من أخلاق..أم عمّار الصحابيــــــة
لكن يا قلب ياللي فيك..غصن يابس وذبـــــــــــلان=لا تبلش في السنين المقبلة والأولانيـــــــــــــة
اهي مثل الأديب اللي توفى ظامي وجيعـــــــــــــان=توفى واكتفت كل القبور الإرتوازيـــــــــــــــــة
وأنا مثل العزيز اللي يعرف إن الفقير إنســــــــان=ولكن عذره من الله الأوّل..ثم مخابيّــــــــــــــة
وهي تدري ما فيه أقسى من مفارق ربى الأوطان=سوى اللي ينكر أن الجمر يحرق رجل واطيّة
وأنا اللي ما عرف نعمة تساوي نعمة النسيــــان=ولولاها..غدت كبد البنادم..جمرة حيــــــــــــــة
عليها من تباريح الحزن آية من القــــــــــــــــرآن=ويلهم أهلها صبر النبي عيسى و حواريّـــــة
وسلامتكـــــم
مرثية الشاعر/محمد بن الذيب العجمي

اتمنى ان تكون المشاركه حازة على رضاكم
اخوكم الفقير لله:
متيـــــــــــــــــــــــــــــه العشـــــــــــــــــــــرا