عن كل شي !! إلا غرام بدويّه,,

[سمـــوم]

السلام عليكم ورحمة الله وبركاته

اخواني و خواتي اعضاء ومشرفي وزوار منتدي العجمان

اقدم لكم قصيده اعجبتني للمبدع ..




محمد جارالله السهلي

تفضلوا الرااااائعه


7
7
7


ياقـوّ صكـات الحيـاه الشقـيّـه**حتى ولو انهـا تصيبـك وتخطيـك

يا صاحبـي منـي سـلام وتحيّـه**ومنك البياض اللي يبـاري معانيـك

مسموح لو ما جات منـك الخطيّـه**و( ياعلّني ماذوق حزنك ولا ابكيك )

والصاحب اللي يفتخر فـي سميّـه**مـا يلحقـه شـك بسميّـه تماتيـك

والخـوه اللـي بينـنـا سرمـديّـه**خوة عمر ماهيب ( ليله واخليـك )

ابـوي وصانـي عليهـا وصـيّـه**يقول يا محمـد وانـا اقـول لبيـك

خلّـك خـوي ٍ مـا يخلّـي خويّـه**ولا ّ ترى يابـوك ماحـدٍ مخاويـك

وشرواك يا شوق المهـا الغشمريّـه**على المراجل ماخذٍ صـك تمليـك

مكانتـك مابيـن هــذي وذيّــه**ومواقفك عن فاخر المـدح تغنيـك

ادمح لـك الـزلات عشـره وميّـه**على النقا والشك زايل وانـا اخيـك

والحـب مثـل الارض والجاذبيّـه**لولاه ماني حـيّ قدمـك واحاكيـك

له فـي خفوقـي منزلـه واولويّـه**وكانك تبي باخذلك شوي واعطيـك

حتـى تعـرف الراحـه العالمـيّـه**وانواع الاستمتاع واللـي يكفيـك :

عن كل شـي !! إلا غـرام بدويّـه**تاخذك من دنيـاك خلسـه وتنفيـك

لعالـم ٍ مافيـه يـا كــود هـيّـه**تسلمّك ملكه علـى راحـة يدييـك

وبينـي وبينـك والليالـي مـديّـه**الشعر ما سرّ الدهـاه الصعاليـك !!


وسلاااااااااااااامتكم وصح لسان السهلي..


تقبلوا فاااائق احتراامي وتقديري

*اليــ!!ــاميه*