مساجله بين العملاقين فلاح العراك وصحن بن قويعان.....

[نـاصـر]

السلام عليكم ورحمة الله وبركاته

شاعرا نا غنيان عن التعريف فمن منا لم يستمع لمساجلاتهم اللتي أمتعت جمهورهم ومحبينهم

شاعرانا هما فلاح العراك المطيري وصحن بن قويعان المطيري .

وأترككم مع رديتهم الشهيره اللتي أبتدئها فلاح العراك بقوله:

راكـب اللـي زاهـي لونـه موديلـه=وارد بـأسـم الوكـيـل مــن الوكـالـه
جمس يقطع مجرهـدّ القـاع ويلـه=مشتريـنـه نـقـد ، مـاهـو بالكـفـالـه
سايقـه لـو يسـري ابظلمـه دليلـه=عارف(ن) يمة جنوبـه مـن شمالـه
نصّها اللـي عملتـه تبغـي عميلـه=فـي جميـع المملكـه مــاش ٍ ريـالـه
ياصحن ، من له رفيق يشتكي له=والخبر واصلـك فـي بطـن الرسالـه
مــل قـلــب فـيــه دقـــات تشـيـلـه=مـثـل دقــه عــود عـبـد الله فضـالـه
من سبايـب ورعـةٍ جتنـي طويلـه=يــا صـحـن وافقتـهـا عـنـد البقـالـه
صـوبـت قلـبـي ولا بـيـديّ حيـلـه=والخطـيـه عنـدهـا مـثــل الجـمـالـه
أن تبعناهـا مـع الـشـارع فشيـلـه=وأن فعلنـا، (فوقنـا حـكـم العـدالـه)

وهذى رد الشاعر صحن بن قويعان:

مرحبـاً وعـداد مـا تنشـي المخيـلـه=وعـــد بـــراق تـنـثـر مــــن خـيـالــه
يـوم جـانـي خــط كـسـاب النفيـلـه=كـنـي الـلـي شايـفـن غـالــي عـيـالـه
حـاضـر لرسالـتـك لـوهــي ثقـيـلـه=مير صـارت مـن فضـل ربـي سهالـه
أبو راجـح عاشـق مـن غيـر جيلـه=جــاه مــن رده عـلـى ســن الجهـالـه
يافـلاح العـشـق مــا يـرحـم قتيـلـه=واجد اللـي فيـه يشكـي مـا جـرى لـه
أنشـد اللـي شـايـف عـدلـه وميـلـه=قد عرف عـدل الصحيـح مـن العدالـه
وش تبي بالسوق يوم أنك تجي له=مـن طـمـع بالـبـوق لا يـأمـن نكـالـه
ولا تفـيـدك فزعـتـي بـأيـة وسيـلـه=دام راعي المال ما أرخص حـر مالـه
لا تكاثـر مـن خـطـا شـقـرا جديـلـه=قبلـك الهـزان(1) وقـتـه مــا صـفـى لــه
حـولـنّـه بـالـركـيـه طــــول لـيـلــه=وكـل فـرض قـام يطـلـع مــن حبـالـه
والهـوى بلشاتـه أكثـر مــن قبيـلـه=من ضرب سوق الهوى يبلش بحاله
الهوى لـي وقـت أنـا داعـي سبيلـه=معطـي المطـنـوخ مـنـي لــه حـوالـه
وأحمد الله يوم جا الهاتف حصيلـه=قد طويت أرشـاي وأدرجـت المحالـه

(1)الهزان: هوى الشاعر الكبير محسن الهزاني

أتمنا أنكم أستمتعتم مع الشاعرين الكبيرين فلاح العراك وصحن بن قويعان

تقبلوا تحيتي

بن هادي