قصيدة حماسيه في دعم ( محمد بن فطيس ) واتمنى من الجميع المشاركه :)

[سعود بن مهدي]

السلام عليكم


اتمنى من المشرفين ان يبقوا القصيده في المنتدى العام وعدم نقلها لصدى المشاعر

كي تؤدي الغرض



______________

يامحمد بن فطيس يابن الأشاويس = حنا معك للموت .. والوعد قدام

لا ( مملكة كسرى ) ولا ( عرش بلقيس ) = طموحنا : ماله قياسات وارقام

حنا مكعـٌـمـة الدول .. والمعابيس = حنا (( فنا حكام )) و (( أعمار حكام ))

حنا ماهو بيمشي على دربنا أبليس = حنا صروح ,, وعز تاريخ ,, واعلام

حنا تعودنا بكسب النواميس = عاداتنا الأمجاد .. عام ٍ ورى عام

لاتشيل هم قلوب .. ناس ٍ مفاليس = ناس ٍ تشوف الحق !! .. وتحسبه أوهام

كانه ؟ بيحصل شي ! .. خلف الكواليس = قناعة الجمهور .. ماهي بتنسام

منك خذوا كل الشواعير .. تدريس = ومنك جماهير الشعر ترسم احلام

جزاك ربي خير .. يا أبيض الفيس = عطيتهم : شهره / وأضواء / واحجام

ولا قصور بهم ؟ .. وفيهم مضاريس = بـس الصحيح يقال ! .. يانسل الأكرام

والله يالولاك يامحمد فطيس = ماكان ذا ( المليون ) ؟؟ .. برنامج ٍ هام

الحصن تلجم .. وتكـٌـرس بتكريس = وأنتا حصان ٍ كـفـو .. ولا لك لجام

في (( شاعر المليون )) خذت الأحاسيس = الشعر شلفا .. والقبايل لك حزام

وقصايدك كنها هبوب النسانيس = ملكت حب الناس من : عدن للشام

وشلون ؟ .. نلقى ل ( بنت صوغان ) عريس = مدامها لك شامت .. ومدت أبهام

قلبت بالساحه جميع المقاييس = وحرقت كروت نجوم .. وأحتارت أقلام

فارس و ( مـجـرم حـرب ) مابين فريس = وأخاف بالشـعـٌـار .. تعتاد الأجرام

شغموم .. سمح قبال .. جزاٌم .. عتريس = مقدام .. طيب فال .. عزاٌم .. ضرغام

( نورك سطع ) .. وأجلى ظلام المتاعيس = كـأنـك ( الأسلام ) في هدم ( الأصنام )

وراك قـوم ٍ .. لـو بغت : ( بـرج بـاريـس ) ؟ = ترد المنايا .. مارفعت ( بيض الأعلام )

( عجمان / سيفك ) و ( آل مره / متاريس ) = و ( حصنك منيع ) وسعد من حصنه ( ب يام )

ياصلب جدي ,, لحد ٍ يعد ويقيس = بمسابقه .. فيها قوانين واحكام

ان قاله الله ! .. ماتطول الهواجيس = وأنه يبين ( الحق ) .. وتزين الأيام

وشـلـون مانـظـفـر ؟ .. بكسب النواميس = ( مـدام فـيـهـا واحـد ٍ مـن ضـنـا يـــام )

____ وسلامتكم _______