يابو محمد جيتك اشكي وانت تدري باللي صار = يامسندي جيتك وانا ضايق ونفسي عايفه
راح الحبيب عني ولاحطني في باله اعتبـــار = والحزن فيني باينن والناس حولي كايفه
النوم عيٌا لايجي والهم ذوٌقني المرار = ماغير افكٌر واتذكٌر الليالي الطايفه
كنا نعيش الحب مدري او اقول وبأختصار = يموت فيني واعشقه والقلب غصبن لايفــه
ولامن ذكرت الصدٌه اللي دون مبرر وإعتذار = كني أحس الموت قدام عيني شايفه
تاهت دروبي ولا أميٌز من يمين ومن يســـار = والتجربه محسوبتن عندي وبعمري ضايفـه
واليوم بيٌن كل كافي وبان ماتحت الستـار = والعشره اللى بيننا كانت محبـٌه زايـفــه
يابو محمد جيتك اشتكي وانت تدري باللى صار = خلاص قلبي من محبتهم تراني مسايـفـه
العرض الشجري