أم تموت وابن يتحسر ؟؟

[تركي الرياض]

هذه أبيات قالها شاب قد عصى والدته وأطاع أصدقاء السوء , ولما تخلو عنه رجع إلى أمه

ولكن كانت تنازع الموت . فقال :



يمّه ..منيتي جيتك وطالب منك الغفران **** أقبِّل قاعة أقدامك وأغسلها بدمعاتي

يمّه ..كل مافيني يناديك أنا ندمان **** طلبتك ؟ قولي سامحتك وردي لوجهي بسماتي

أنا أدري قلبك الطيب كسرته بصدمه النكران****غلطت..وغلطتي هذي تعير كل غلطاتي

تشوفي الشيب يايمّه ترى ماجا وأنا فرحان****وربي إلّي رفع ذاتك ونزّل للردى ذاتي

فقدت الراحة من بعدك..فقدت الطيبه والحنان****بدونك..راحتي غايةبدينك هذي راحاتي

أنا بعدك ولا حاجه أنا بعدك ترى عميان****أشوف .. ولا أشوف إلي يوريني مساواتي

أنا وسِيدالشقىوالهم من بعدك غديناأخوان****يجيب هموم هالعالم..ويرميها بمتاهاتي

صدقتي..يوم قلتيلي تدين اليوم بس تندان****رميتك في بداياتي ...ورموني في نهاياتي

أنا من شالك بيده ورماك بأسفل البركان **** نخيتيني...وطلبتيني...ولا حصلتي نخواتي

مثل ماهنتي بعيوني عليهم قلبي يمّه هان**رموني وضعتهم فزعه وأناالدمعات فزعاتي

يايمّه لاتظنيني أنا من فعلهم زعلان ؟ **** سواتٍ فيك سويته وسوّو فيني سواتي

يايمّه..يالله ظميني ودفيني بهالأحضان **** أنا أدري فيك مشتاقة.. وهمك بس ملاقاتي

يايمّه( حييييل)ظميني أبي أرتاح أنا تعبان**** تعبت أهرب من ذنوبي أبيك آخر مسافاتي

أبسمع منك أي كلمة..لصوتك مسمعي ولهان****أبسمع(يمّه)بصوتك أبذكرفيهانشواتي

أشوفك ساكته يمّه ؟!!غفيتي ولاأنا غلطان؟**غفيتي يابعد عمري؟..تعبتي من مواساتي

يايمّه طالبك قومي إذا لي في عيونك شان**أشوف الموت بعيونك عساها تخيب هقواتي

تعالوا يابشر شوفوا أنا محتار أنا تلفان **** أنا أمي مدري وش فيها أنا مدري أنا أحاتي

وشو؟؟ أمي أنا ماتت!!! لا لا.. لاترى غلطان!!! ****أنا أمي ماتخليني على حزني ووناتي

أنا أمي قلبها طيب ولا يمكن تبكِّي إنسان **** أنا أمي ماتبكيني...ولاتتمنى آهاتي

يايمّه قومي يايمّه ... وقولي الموت لاماكان **** أنا جيتم وأنا ناوي أببدي فيك جناتي

تركتيني ومتى وليه؟؟تركتيني أنا غرقان؟ **** ولا مسموح ياوليدي!!.. ولا تلعنك لعناتي

أناالجاني..وأناالمجني.وأناالمخطي.وأناالندمان**وأنا بإيدي رميتك إيه..وبعثرت أهم ملفاتي

وجيت من الهنا مفلس..وقلبي من الضنا خسران***تركتيني على ناري أعدد فيك زلاتي

ولاني مرضيٍّ ربي...ولاني تابع الشيطان **** أنا بعدك ترى مابين نهايتي وبداياتي

يايمّه منتهي جيتك وكلي مرتجي غفران **** وشفت الناس تلعنّي وتحذرني من الآتي .


..... منقول .....

( اللهم اغفر لوالدينا وارحمهم )

( تحياتي للجميع , أتمنى أن تنال اعجابكم . وشكرا. )